[align=center][img]http://galbk.********************************************/2004-07-13-124432.gif[/img]
اسرائيل
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بديت بالرحمن ببداية القيل=اللي على خلقه لزوم ٍ انبديه
جلا جلاله جل من جيل لاجيل=يوم المعاني كل ابوها معانيه
يوم التجي له هو الحال والحيل=او يوم اشتكي له محد قايل ٍ ليه
يامعطيٍ حكم اونبوّه اسرائيل=ومن زود فضلك على كل من فيه
يارب يامن قادرٍ بتساهيل=يسرك على شي ٍ تحبه اوراضيه
انت الذي وبلك صدوق الهماليل= وانت الذي مجموع الاسباب بيديه
تعلم ولانعلم ابخاف المقابيل=ولامن شكر عبدك تزيده اوتغنيه
ياواحد ٍ تعلم جميع المداخيل=وانت الذي ماغيرك انخاه وارجيه
تشفي غليلي في خطاة المهابيل=واللي نظرلي نظرة ٍ ماتقديه
اوكان الرظاوه للمره والرجاجيل=لاخير في كل الرجوله اوطاريه
حلم الطفوله مايجي بتهاويل=واللي على الفطره بعّد وش ايدريه
يامدوّرٍ بنّصح ظاف الشماليل=ليتك سترت العوره اللي اتوريه
تراك طيّب يابن الاجواد واحثيل=لاتجرح اللي ماشحذ منك تعطيه
خل الشجاعه عنك ياسبّق الخيل=اوخل العلوم الغانمه عند مغليه
ماينذكر شي ٍ على غير تنزيل=واللي من اول يعجبك شوف تاليه
من حد وش حالك .الماجور ورويل=واعقص بعّد.وارخو ابويه مع اخيه
وارحب. بدا.وماذا عبابك مع الويل=وامنا بالله تمتزج نوب مع ويه
اوريح ٍ بها من عطر باريس ومزيل؟=ترقص على شط المطوع اتغنيه
حتى اكلاسك يابو حداثه له اتشيل=وتلقى الحداثه كلاسكيه علابيه
اوتزهى الثقافه لابسات الخلاخيل=اوتضحك على راع الغموض اوتخكريه
ومن جال ضلع ٍ من ورى فوحة الهيل=لاخر يبى حياك ون زرفل اوكيه
لعيونها صغت المثل والتماثيل=اولعيونها عذب المثل جاك ناقيه
دق الجرس وين الفرس يامل السيل=يالهاجس اللي ماسرى الليل يتليه
حنا هل اقريّه سوى يافناجيل=نبخص بعض مبطي اوذلحين مارايه
دفع البلا وياماحلا والمواويل= وامنت باللي ماجحدنا حسانيه
اويل امها ماهمها تالي الليل=ماهمها ويل امها قل واليه
ماقلتها لي مقصد ٍ فيه تمثيل=اومالاعب الغربي هوى النفس ياهيه
حتى لو الكلمه تبي نوب تعديل= اوتشره على قولة يالبي يالبيه
واللي بعد مايعجبك عندي احليل=اوماجاز لك شي ٍ على طول بمحيه
واللي عقدها ايحلها ماني اخبيل=بسم الذي تسجد لقوّة مثانيه
ياماحلا شرواك مع طير ابابيل= عندك خبر كان ابرهه من ايعاديه
اخر زمن حتى الرخم وصلو اسهيل=والبومه الخرسا غدى من ايشاديه
توك بعّد ماذقت طعم الغرابيل=ياصرت تجهل مر باسه اوحاليه
حتى اتعرف البينه والتعاليل=ماباقي الا في عيونك اتراعيه
ياعالم ٍ في قصتي بالتفاصيل=اوتقدر ولا يقدر على اللي اتسويه
لودرهمت لي عذب الامثال ماقيل=ولاشفت لي سد ٍ على الناس مبديه
في ساعة ٍ ماينفع القول والقيل=اومالك سمي ٍ عل اسمك انبديه[/poem][/align]
