بنات شتسوون اذا انتم مكاني😭

بنات هذي 3 مره يطردني زوجي وكله عشان امه تقول رافعه ضغطي ليش تتأخر ليش تطلعها وماعندها غيرهالسايق تنطر 3 ساعات ماوراها شي ويوميا روحه ورده أتأخر ومشاكل وأوصل بنات أخوها وهي بس طالعه وماتبيه يجيبلي سياره ولا يؤديني حتى وعن المصروف تتحكم وعن العيال تقول لاتخليها تحمل مره 2 خلاص هذي لا تمسك ولدها وللتعرف تربي وكلام وايد لين الحين هو صار يبي راحته وخلاص مايبيني

طبعا طردني لاني قتله بروح المستشفى قالي لا طلعت من الكليه ومريت المستشفى واتصلت عليه قالي كذابه انتي مو بالمستشفى خلي اهلك ياخذونك اليوم واهلي بالسعوديه

المهم يعني يشك مايبيني اطلع الا معاه مره بالشهر بطلعة الروح ونفسيته خايسه وبس سينما تيب ابي أغراض

المهم ويقول خرا عليج وعلى اهلك يجون ياخذونك لا أطلقك الحين
ونا ودي أصير قويه وأقوله طلق بس خفت

المهم بنات انا بالبدايه كنت قويه وقتله مو خسرانه شي طلعتي هذي بدون رده وولدي عندي وحقوقي بأخذها والكويت بعيش فيها غصبت عنك
قالي راح أذبحك لو عشتي فيها عشان ولده طبعا

المهم دايما كان يعلقني 4 شهور عند أهلي
بس الحين يقولي راح اخليك معلقه سنه او سنتين قتله انا ما اقعد معلقه قالي لاتحاتين يمكن ورقتك تلحقك

بنات بس شافني قبل لا اطلع اصيح من الصدمة ومنهاره يقط علي المخده وين اهلك اليوم سمعيني يجون ولا بالشارع
وقالي خذي كل أغراضك ونا بغير الغرفه

شافني ضعيفه وترجيته عشان ولده لأيطلق جم مره ادري هبله بس خفت تكون صج

المهم انا الحين لي شهرين عند أهلي بالسعوديه وهو اتصل على أخوي وقاله ابي ولدي دزلي صورة جوازه بحجزله
قاله أخوي. اردلك خبر
واليوم دزله مسج ابي صوره أخوي مارد عليه
أبوي قاله يكلمني انا وقال بخليه يجي يا يطلعلك بيت ويتعدل ويعرف انج بنت ناس مو كل يوم طاردك ولا مهو شايف ولده هذا يبيله رجال يوقفه عند حده كلامه صح بس اخاف يطلق ونا ما اقدر اخليه ياخذ ولدي 3 أسابيع تركيا

وبنات انا كنت بغير جو بس اخاف يدري اني سافرت ويطلق بس هو مايكلمني ولا يبي يكلم اهلي بس أخوي وعشان مه تبي ولدي

بنات انا عفته ولا اقدر اعيش معاه بدون شخصيه ومعقد وبدون شقه وسياره بس تعبت
بس خايفه اتطلق واعيش بروحي لاني ابي الكويت والولد لازم يعيش بديرته ولا يقدر ياخذه

وبنات البطاقه المدنيه منتهيه وهو ماجد لها اقدر اجددها بنفسي ومن زمان منتهيه اخاف يكون علي غرامه


بنات عفيه تعبت قولولي شسوي بكل نقطه