تجربتي فرش ( شد البطن + شد وتكبير الصدر )

السلام وعليكم

هذي اول مشاركه لي في المنتدى مع اني اتابع هالقسم من سنين

اللي خلاني اكتب تجربتي لكم هو للاسف نقص المعلومات في المنتديات العربيه بخصوص شد البطن والصدر ....

يعني وايد بنات يكتبون تجاربهم بس بدون تفاصيل مهمه وغير جي تلقونها فجاه تختفي :bbbiu: يعني ما ترد عالاستفسارات ....

لهالسبب قررت اكون موسوعه ههههههههههه مع العلم ترى انا بعد ما عندي وايد معلومات بس اللي اعرفه وجربته بخبركم اياه ان شاءالله ........وبنات ترى كل شي بكتبه بالتفصيل الممل الممل الممل لانه انا متاكده الشي اللي يكوون ممل حقي ممكن يكون مهم لغيري فلا تملون مني :D

اول شي معلوماتي
متزوجه
4 ولادات ماشاءالله وواحد منهم توام
طولي 150 ووزني قبل العمليه 57
كرشتي بدات تكبر بعد التوأم ولاني خلاص ما كان عندي وقت اسوي رياضه او دايت كل وقتي مشغوله مع العيال لانه كل ولاداتي ورى بعض ....

بديت افكر في العمليه من 3 سنين تقريبا بعد ما اخر العنقود دخل المدرسه واستويت فاضيه لنفسي وبدات رحلاتي مع ريلي تزيد وكل مره عيونه تروح يمين ويسار ويشوف هالمعصقلات الرشيقات والباسهن :rgewrg:

طبعا كنت اموت قهر لانه اللي يشوفني يقول هاي رشيقه وما يبين علي اصلا متزوجه ..بس انا في داخلي بسبب الكرشه ما كنت احب البس مرصص وايد كنت كارهه نفسي .....
وتم الوضع كل سنه يزيد وكرهي لنفسي يزيد لدرجه السنه الاخيره 2013 خلاص ودعت الاسواق والرحلات والتجمعات :eh_s(11): حتى كنت اقول لريلي روح تزوج خلاص .....وهو كان يضحك علي يقول كل شي فيج صغير وحلو ليش اتزوج عليج بعد وانااا كنت جي :yaaaaaarb: هههههههههههههه

المهم مالكم بالطويله ..... انا كنت اتمنى اسوي العمليه بس كنت ادري انه مستحيل لاني جبانه لابعد حد ما تتخيلونه ...مااحب المستشفى ابد ابد ابد حتى يوم عيالي كانو يمرضون كنت اخلي امي او خواتي يودونهم المستشفى :eh_s(16):

اللي صار تااريخ 24-1-2014 اتصلت فيني صديقة العمر وقالت لي فلانه بعطيج رقم دكتور دقيله واساليه عن عملية تصغير الصدر ...؟؟ طبعا صدمتني هههههههه قلت لها اوكي ويوم شفت الرقم اكتشفت انه من خارج البلاد ( ايران ) ...طبعا دقيت وردت علي السكرتيره وما تعرف انجليزي واللي فهمته تباني ارد ادق العصر لما الدكتور يكون موجود ....

رديت دقيت لربيعتيه وانا اضحك عليها وابا اعرف شو خلاها تفكر بهالشي وطبعا تمت تشرح لي وانا :eh_s(11): لاني كنت اتمنى اسويه بس مستحييييييييييييييييييييي يييل خارج البلاد ومستحييييييييييل اخلي البيت والعيال اقل شي 3 اسابيع وطبعا اسباب ثانيه ......

العصر رديت دقيت ورد علي الدكتور وسالته عن السعر اللي صدمني صدمة العمر
قالي الصدر تصغير وشد تقريبا من 4 الى 7 الاف درهم
وانا من الفضول سالته عن البطن وقالي نفس السعر من 4 الى 7 الاف درهم بس احتمال يضيف بعض الاسعار للمستشفى والمشد والادويه يعني مب اكثر عن الفين درهم ؟؟؟؟؟؟؟؟؟؟؟

وقلت له لو بغينا نسوي العمليه شو الترتيب ؟؟قال بس خبريني متى الوصول وبعطيج موعد وخلال اسبوع بتسوين العمليه وخلال اسبوعين تردين بلادج :eh_s(10):

بصراحه كان يكلمني وكانه يتكلم عن الزكام مب عمليه كبيره ماشاءالله عليه .....

رديت خبرت ربيعتيه ومن فرحتها تمت تصارخ وقالت خلاص خلاص دقي واحجزي الاثنين وانا اليوم بقص التذكره وباجر بسافر ....:eh_s(9):

انا طبعا ميته قهر وحسره يا حظها بتروح وتفتك من ازمة العمر ...
طبعا دقيت وحجزتلها موعد يوم الاثنين وقالي الدكتور من الساعه 5 لين 9 المساء فقط انا موجود في العياده ...

بعد ما خلصت تميت اطالع ريلي ههههههههههههه مادري شو خلاني ايلس عداله واقوله (( ها بتعطيني فلوس اسويها ))؟؟:eh_s(2):
تم يطالعني بنظرة استنكار ؟؟انه شو انتي بعقلج ؟؟ بتسيرين ايران يالمينونه وهالاوضاع الامنيه وكيف بتتصرفون وغيره ؟؟ ( طبعا هو ما قال شي بس يطالعني بس انا قلت اكيد يقول جي في داخله :D)

رديت حننت صوتي اكثر وحولته الى نبرة حزن واسى (( ها شو قلت ؟؟ خلني اسوي شي كنت اتمناه من سنين ))

تم ساكت وقال يصير خير؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

يصير خير عند ريلي يعني انا موافق...........يااااااااااااا� �اااهووووووووووووووو ووووووو

على طول طرشت مسج لربيعتيه وقلت لها (( قصي تذكرتيه بروح وياج )):rolleyes:

ما تتخيلون فرحتهاااااااااااااااااااا اا اتصلت وهي مش مصدقه اونه جذااااااااابه قولي ولله قولي والله ههههههههههههههه
المهم الله راد كل شي يمر بسهوله
قصت التذاكر على العربيه روحه ورجعه ( الشارقه -المشهد) 1070 درهم الشخص
وانا سرت السوق اشتري ملابس السفر خص قالولنا ثلوج عندهم بهالوقت
وسارت السفره يوم الاثنين الصبح على اساس العصر نسير دايركت العياده ....

طبعا للحين مش مصدقات وركبت الطياره وانا مش مصدقه انا وين رايحه وشو بنسوي ؟؟

بنتين ولا وحده تعرف لغتهم واللي اعرفه انهم مييييح في الانجليزي ..

بس لانه كنا خلاص متعقدات من اشكالنا ما فكرنا باي شي غير نخلص ونرد ..........

وصلنا الظهر تقريبا الساعه 2 مطار مشهد وما تتخيلون شكل المطار صغير وحسيت رديت 20 سنه ورى ...صدق ما شي تطور ابد ..الحمدلله على النعمه يارب في الامارات ..........

طبعا اشكالنا عبي وشيل الكل كان يطالعنا هههههههههههههههه بس تعاملهم ممتاز محد قالنا شي ولا اخرونا في الاجراءات ابد ...اخذنا الفيزا من المطار بالدولار ....

طلعنا من المطار اخذنا تاكسي وقلناله ((هوتل )) طبعا لا هو يتكلم عربي او انجليزي ولا نحن نتكلم ايراني ...
ودانا هوتل النجمه كان نظامه سويتات ووايد نظيف من داخل وسعر السويت غرفتين وصاله وحمام ومطبخ تحضيري تقريبا 120 درهم ..........

المهم بدلنا وصلينا بسرعه وركض على العياده وكان عندنا عنوانه وعطيناه التاكسي وودانا له بسرعه ...

اكتشفنا انه منطقة احمد اباد هي منطقة الدكاتره البروفيشنال عندهم يعني كلها بنايات تقريبا 4 او 5طوابق او اكثر كلها شقق دكاتره ..تخيلو اكثر من 200 بنايه وكل بنايه اكثر من 20 شقه وكلهم دكاتره فوق التخصص يعني بروفيسورات .....ماشاءالله عليهم ....

دخلنا عالدكتور ودفعنا اظن 20 درهم رسوم الزياره ...نفس فتح الملف عندنا ....

كشف الدكتور علي اول شي صدري وبطني + فيلر للوجه والشفايف + شفط تحت الذقن لتحديد الوجه

قالي السعر كامل مع كل شي 18 مليون تومان تقريبا 25 الف درهم :eh_s(10):

طبعا انصدمت لانه في الفون عطاني سعر اقل يعني تقريبا كان 15 الف كامل والحينه اشوفه زاد 10 الاف درهم ؟؟؟
قالي 1500 زياده للسيليكون الصدر+ 4الاف زياده للمستشفى لانه بيحجز لنا في احسن مستشفى ...+ 1500 للستيان والكروسيه + وطبعا قال لو ما تبون عادي دوروا غيري ...طبعا لازم بيقول جي لانه معروف والكل يسوي عنده ......

المهم انا وافقت عادي لانه تكاليف العمليه في الامارات كانت تقريبا 70 الف درهم يعني الفرق كبير كبير ................

وربيعتي شد الصدر وتصغير+ شد الزنود + شفط الوروج +فيلر ..طلع تقريبا 18 الف درهم

المهم وافقنا واخذنا موعد للفحوصات وعطانا عنوان الشركه اللي بشتري منها السيليكون ..

الثلاثاء ردينا نفس المنطقه للفحوصات
ملاحظه: كنا ناخذ بطاقات اي مكان ندخله علشان نقدر نوصل له مره ثانيه لانه ابد ابد محد يتكلم انجليزي ولا عربي ابداااااااااااااا

المهم سوينا الفحوصات وربيعتي لانها فوق الاربعين سوولها فحص الصدر اما انا بس الدم ....
طبعا لين تطلع النتايج طلعنا نتمشى في المنطقه ونقرى اسامي هالدكاتره وتخصصاتهم هههههههههههههه وننصدم بهالكميه من الدكاتره والتخصصات ...
وفي الطريق لاقينا مترجم يتحرانا ضايعات ونحن نحوط جان يتقرب ويكلمنا عربي بلهجه عراقيه

عرفنا على نفسه انه مترجم ومن هالكلام ...على طول سالناه عن العمليات الصدر والبطن وغيره ...
طبعا رد قالنا نفس الكلام انه العمليات ما تكلف اكثر من 5 الاف درهم ؟؟؟؟؟؟؟ وخبرناه انه نحن نبغي لو هو يعرف دكاتره بروفيشنال ....جان يضحك قال هني الكل بروفيشنال وانا من سنين اييب الناس هني للعمليات وعندي زباين من كل الخليج ....

قلنا نجرب حظنا وطلبنا منه يودينا لاي دكتور ..وعلى حظنا ودانا لدكتوره ماشااااااااااااءالله عليها عسوووووووووووووله وغير جي يكفي انها حرمه ..........وهي العياده الوحيده اللي شفناها صدق فل ما تفضى .........

ولما سالناه قال هاي الانسانه اخر همها الفلوس وكل هدفها تساعد الحريم بس ....ودخلنا عندها وكان رسوم الزياره 18 درهم ...
وكشفت علي وعلى ربيعتي وصدمتنا ؟؟؟؟؟؟؟؟؟؟؟؟؟؟

انا شد الصدر مع السيليكون+ شد البطن = تخيلو كم قالت العمليتين ....؟؟؟ 5 الاف درهم بس انا ادفع لباقي الاشياء مثل السليكون والمستشقى والمشدات وغيره .....:eh_s(9): طبعا من غير تفكيييييييير قلت يس يس موااااااااااافقه ........
وربيعتيه تصغير وشد الصدر+ شد البطن (باللحظه الاخيره ضافته )+ شد الزنود = 6 الاف درهم :eh_s(15):

وقالت عمليتي الخميس وربيعتيه الاثنين ؟؟؟؟ يعني ماشاءالله ما شي تاخير وبسرعه بسرعه يلا خلصي وفكينا هههههههههههههههه

طلعنا من عندها مرتاحات صدق والاربعاء طلعنا فحوصاتنا واشتريت السليكون وهي قالت 200 سي سي مناسب لي وهاي غلطتي الوحيده للاسف لاني كنت اباه اكبر بس هناك استحيت اقول هالشي وقلت لها اباه طبيعي وهي سوته لي طبيعي 100%

المهم الحينه بدخل في تفاصيل العمليه على طول

الصدر تحط لي سليكون 200 سي سي وتشده لي لانه صدري من الرضاعات كان طايح شوي
انا مقاسي 34 بي ....
وبطني قالت بتشده كامل بس هي مشكلتها ما تشفط الدهون فقالت لو تبون شفط سووا شفط قبل خلاف انا بشده .... بس انا قلت لها لا الشد يكفي لاني كنت اشوف ما عندي دهون ..وهاي غلطتيه الثانيه للاسف ............

يوم الخميس الصبح رحنا المستشفى وكان اسمه ( مستشفى مهر) ودفعت رسوم المستشفى ومبيت ليله تقريبا 3 الاف درهم وصح اشتريت السليكون ب 400 درهم تقريبا

الساعه 12 دخلوني العمليات وما اخبي عليكم ابد ابد ما كنت خايفه مادري ليش ؟؟يمكن لاني كنت اشوف هالويوه السمحه ويكفي اعرف انه الاستاف كلهم مسلمين ما شي اجانب وخرابيط ( مابغي حد يتكلم عن المذاهب في نظري كلنا السنه والشيعه اخوان ومسلمين )

اول شي تمت تخطط على صدري بعدين بطني وسالتني كيف ابغي السر ؟؟ قلت لها دائري وصغير
دخلت الغرفه وانسدحت والدكتوره تقولي انها بتحط شباصاتي على طرف لبس المستشفى وهذا اخر شي اتذكره ؟؟؟؟ يعني ثواني بس واشوفهم يزقرون علي يقوموني؟؟

طبعا كنت نعسانه مابغي اقوم واسمع ربيعتي تقولي الحمدلله عالسلامه واسمع الممرضات يتكلمون بس مب فاهمه شي ... ما كان فيني ويع غير اني تعبانه ابا ارقد

ورديت نشيت من الحشره اللي عدالي واشوف ربيعتيه يالسه عدالي وسالتها عن الوقت ؟؟قالت 7 ونص المغرب اونهم طلعوني تقريبا الساعه 6 يعني تقريبا طولت 5 ساعات في العمليات ...

حسيت جسمي متيبس ماروم اتحرك ابد ابد ..وطلبت من ربيعتي بس تهمز ريولي لاني مااحس فيهم؟؟ وقالت هذا عادي لانج منسدحه 7 ساعات ما تتحركين وقالت تسويلي مساج لين ارتحت شوي ...

هني حسيت بعمري واشوف عدالي مريضه مسويه خشمها ...
وخلاف يابولي العشا طبعا ما بغيت اكل ما كنت حاسه باي يوع ..بس شربت ماي ...

المهم اول يوم ماشي اي ويع وكنت اشوف السستر كل شوي تحط دوا في المغذي احتمال يكون مسكن ... وخلاف ثاني يوم الصبح حطتلي مسكن تحميله ..مع انه ما كنت احس بالويع ....

انزين بعض التفاصيل لاول يوم
1-: تحسين مثل وزن ثقيييييييييييييييييييييل على صدرج وما ترومين ترفعين راسج ....
2: لازم تنامين على ظهرج وترفعين ريولج منعا لاي تجلط دوم وانا حطيت مخده تحت ريولي
3- الافضل تطلبين مسكنات حتى لو ما شي الم
4-كانوا مركبين لي 2 درين للصدر و2 للبطن
5- ما كنت اقدر اقوم للحمام طبعا وهناك كان يحطون لي شي مثل الطاسه الله يعزكن وكنت صدق صدق احس بالفشله لانه الغرفه عامه مش خاصه بس ربيعتيه فديتها ما كانت مقصره معايه ابد ابد حتى كنت اقولها سوي صوت علشان اخذ راحتي يوم ابغي الاحم الاحم هههههههههههههه

ثاني يوم الصبح يت الدكتوره فديتها والله حبيتها من قلب كيف طيوبه يارب
وكشفت عالجرح وتمت تراويني وماشااااااااااءالله كيف الخياطه حلوه ونظيفه وهي يالسه تكلمي سبحت درين الصدر بدون مااحس ماشاءالله على ايدها ....

الصدر كانت العمليه حول الحلمه + حرف T
بس ماشاءالله حول الحلمه ابدا ولا كانه فيه خياطه .... واللي تحت ما كنت اشوفه طبعا
والبطن خط من طرف اليمين كامل لليسار وكانت رافعتنه من الاطراف شوي علشان تشد الجلد اللي طايح هالارداف

المهم طلبت انه امشي علشان تتطمن علي وتخليني اطلع ....ومشيت خطوتين والله حسيت كانه حد حاط جبل فوق ظهري ويقولي امشي؟؟ ثقققققققققل غير طبيعي وعلى طول رديت انسدحت قلت ماروم امشي احس ظهري بينكسر

وبجذي رخصوني وردينا الفندق مع موعد عقب يومين
طبعا كان لازم حد يرفعني ويمسك ايدي وانا امشي لانه مستحيل ترومين تقومين بروحج

ردينا الفندق وعلى طول رقدت والنوم كان اكبر مشكله لي للاسف لانه ابدا ما كنت اقدر انام على ظهري كنت احس بانه ظهري خلاص بينكسر لهالسبب كنت انام بس ساعتين وارجع اقوم اريح ظهري شوي ..وارد ارقد ....

طبعا الطريقه الصحيحه للنوم بعدين عرفتها وهي لازم تحطين مخده شوي كبيره تحت راسج بعدين مخده طوليه تحت ظهرج علشان تحسين بالنعومه تحت ظهرج وبعدين مخده تحت ريولج
وان الما سويت هالطريقه خلاص الالم والتعب من ظهري راح للابد الحمدلله ...........

المهم لازم يا بنات وضروري ضروري من ثاني يوم تاكلون عدل لانه لازم ترجعون علشان ترتاحون وانا لاني ما كنت ماكله شي ثلاث ايام لما بغيت ارجع حسيت مصاريني تتقطع ويلست اصيح ..

وقامت ربيعتي تشربني عصير علشان يكون في شي في معدتي لو بغيت ارجع ....

غلطاتي :::
1- 3 ايام ما اكلت شي وكان اكبر غلط لانه لازم تاكلون اهم شي لحوم طازجه وسمك وعصير اناناس علشان تردون عافيتكم بسرعه
2- حاول من ثالث يوم امشي وانا على بالي احسن وللاسف هذا غلط لاني كنت امشي وانا احاول افرد طولي وهالشي سبب كدمات في بطني وصدري
3- تعلموا الطريقه الصحيحه للنوم والقومه من السرير علشان ما تتعبون ولا تأذون انفسكم
انا كانت ربيعتي تقومني وتنومني بصوره افقيه وهذا غلط
لانه لازم اجلب نفسي على طرف شويه وخلاف هي تقومني ..علشان مااضغط على عملية البطن

انزين مرن 3 ايام على خير وخلاص كنت بخير الحمدلله ونفس ما قلت الشي الوحيد اللي متعبني النوم عالظهر بس لاني انا من اللي ينامون على بطنهم ....
اليوم الرابع سرت الموعد وللاسف انصدمت الدكتوره بالكدمات تحت السر وخط العمليه وعصبت علي :rgewrg: قالت ليش تمشين فارده طولج؟؟؟ قلت لها اتحرى احسن ..؟؟قالت لاااااااااا والف لااااااااااااااا لازم اسبوعين تمشين مثل العجوز اللي ظهرها مكسور .. وانا اصيح من الكدمات اللي شفتهم كان منظهرهم مقرف مقرف

قالت لي لا تخافين وعطتني كريم قالت تمي عليه يوميا مرتين وابد ابد لا تمشين خلاص
ول اترفعين ايديج علشان ما تخربين عملية صدرج

وانا اقولها اوكي اوكي

طبعا مااقدر لانه باجر عمليىة ربيعتي ولازم اكون معاها ؟؟ ومجبوره امشي وغيره

بس ربي يسرلنا الامر وحصلنا سستر تخدمنا في البيت وتبطخلنا اكلات صحيه وتسبحني بعد خخخخخخخخخخ وهني حسيت بالراحه لانه بديت اكل طبخ بيت وفرش مش مال مطاعم ...

وخلاص خلال اسبوع كنت عاديه وامشي وماحس بشي حتى الثقل تعودت عليه
وربيعتي سوت العمليه بعد فديتها وكانت فرحانه وايد

بعض الملاحظات
1- انا مقاس صدري 34 بي وللاسف بعد العمليه بعده 34 بي ما كبر بس اللهم نفس الحجم ومرفوع ومشدود كانه صدر بنت ام 18 سنه ...طبعا انا فرحانه بهالشي لانه يناسب جسمي خص اني قصيره وضعيفه ...بس ما عجب الزوج لانه كان يبا اقل شي 34 دي
2- من كثر ما تحركت فتحن بعض الجروح تحت صدري وطبعا كنت في البلاد وماعرفت شسوي وكل يوم اسير مستشفى ومالت عليهم مثل الهبلان يقولون ما نعرف خلاص خليه لين ينشف ...وانجبرت اصور الجرح واطرشه لدكتورتي اللي عصبت علي طبعا وقالت اكيد تحركتي وقلت لها هيه طبعا اكيد هههههههههههه وطلبت مني اوقف اي كريم وماحط شي بس احافظ عالمنطقه ناشفه لين الجرح ينشف وبيكون اوكي
3- جسمي ما تقبل الغرز وانجبرت اروح اشلهم وهالشي خلا عملية التئام الجرح يكون اسرع واحسن
4- شهر كامل البس المشد والستيان وما اشله الا يوم اتسبح فقط وبعد الشهر البس الستيان عادي طول الوقت اما المشد اشله بالليل
5- لازم تاخذون ادويتكم الى اخر حبه مهم مهم
6- قبل العمليه اقل شي اسبوعين لا تستعملون مسكنات مثل البروفين والبندول اظني ياثر في التئام الجروح ...
7- لازم يوميا اقل شي 5 اكواب ماي او عصير اناناس طازج وممتاز للجروح ...
8- السستر اللي كانت معايه كانت تسويلي حليب فريش وتكسر فيه صفار بيضه وكان طعمه لا باس بس ممتااااااااااااااااز لعافيتج يخليج تحسين عمرج فريش
9- السستر اللي معايه كانت تذوب لي شي مثل السكر مكعبات شفافه مع الشاي وكانت تقول هالسكر ممتاز للمعده وهم يسمونه ( نبات ) مادري لو شي عندنا هني
10- لازم تاكلون اكل صحي ولحوم واسماك
11-لا تمشون بطريقه مستقيمه اول اسبوعين
12-لا ترفعون ايديكم لو مسوين شد للصدر

النتايج :
1-نفس ما قلت صدري صغير ومدور وبنظري حلو ذكرني باول ايام العرس
2- بطني رجع نفس لما كنت بنت بس ندمانه اني ما سويت شفط لانه عندي بطن صغير فوق السر والدكتوره قالت هني المعده ولو سويتي رياضه وتميتي عالمشد خلال كم شهر بيروح
3- ما كان عندي اي الام ابد الحمدلله غير تعب النوم عالظهر فقط
4- ربيعتي عكسي يوم العمليه تعبت يمكن لانها اكبر عني ودكتورتي قالت انه الكبار بالعاده يتعبون وهي اصلا من النوع اللي تتعب دايما من العمليات بس ماشاءالله عليها قويه وشجاعه مش مثلي كنت دلوعه ههههههههههههه
5- ربيعتي كانت مسويه شد من قبل للبطن ونصحوها الدكاتره هالمره تسوي شفط بس ما سمعت الكلام وردت سويت شد وما كان شي اي تغيير في بطنها
6- صدرها كان كبير وطايح وبعد العمليه صار صغير ومشدود ويجنن من اول يوم كان شكله رهيب
7- شدت زنودها من تحت وانا ما شفت النتيجه لانها كانت لابسه الضاغط لين رجعنا البلاد وتقول ايد وحده تحس العمليه مش مضبوطه وشي ترهل خفيف فيه
8- انا الحينه كملت الشهر الثاني صدري بعده منتفخ ومتورم + الجروح اللي كانت مفتوحه خلاص تسكرت وعلامات الجرح واضحه لاني للحين ما حطيتلهم اي كريم
9- بطني للاسف بين السر وخط العمليه الكدمه السوده بعدها موجوده بس واااااااايد اخف عن اول يوم وخط العمليه صغيييييير ورفييييييييييع يعني احس لو احطله الكريمات لين سنه بيختفي
10- بطني بعده متورم واحسه يابس وقوي وطبعا هالشي بيستمر لين سنه عادي
11- خصري :eh_s(22): يا جمالوا
12- من اسبوع الحينه عادي انام على طرف على عكس ربيعتي من اول اسبوع كانت تنام عالطرف لانها مش حاطه سيليكون وانا لاني حاطه سليكون كان صعب انام عالطرف
13-من يومين بديت انام على بطني يعني جي ساعه بس واقوم لانه اخاف اضغط عالصدر
14- البس اللي ابااااااااااااااااااااااا ااااااااااااااااااااااااا ااااااااااااااااااااااااا ه حتى عيالي مصدومين ما قاموا يشوفوني البس جلابيات هههههههههههه كله بودي وشورت :eh_s(11):
احس رديت 10 سنين ورى

الحينه افكر في الشفط للوروج ويمكن تكبير المؤخره :eh_s(7):

من الاسبوع الياي افكر ابدا بالرياضه والرجيم لانه وزني الحينه بعد العمليه 53 واحس ابا اوصل لين 50 وخلاص وبنفس الوقت ابا اشد وروجي شوي قبل لا اسويلهم شفط...

صح الخطوط والترهلات اللي كانت عالبطن كلها راحت لانهن كانن تحت السر ..اللهم لك الف الحمد والشكر...........

مادري لو ناسيه شي ..اللي عندها اي سؤال انا حاظره