قسم بالله انظلمت

السلام عليكم حبيباتي من بعد غيبه رديت
انا ادري ان الشكوى لغير الله مذله
لكن يابنات في جبدي نار والله العظيم مو قادره امسك نفسي انا عمري 24 وتزوجت ماصارلي 6شهور وتطلقت والسبب زوجي مو قادر يتحملني لانه له عشيقه طلقني وتزوجها اتبع معاي كل اساليب التطفيش وانا ماشيه على مبدأ البنت تصبر على زوجها ماكنت ادري انها ماكله مخه لي هالدرجه مع اني اقسم بالله العظيم مو ناقصني شي لا فالشكل ولا فالعلم انا معلمه وكل من عرف اني مطلقه من قرايبي ومن البعيدين ينصدمون وانا اقسم بالله انظلمت

طريقة تعامله وياي ناشفه دشيت عليه وطلعت ماقالي ياحياتي والا ياعمري كنت اشوفه يكتب بتويتر من االقصايد والكلام الحلو لها واسوي نفسي مادري واقوله ليش ماتذكرني بكلمه حلوه يسكت ويقول بعدين الكلام مع العشره يابنات انا صغيره وتزوجت ابي حب ابي حياة واقسم بالله ماني من اللي تخربط ولاتدل درب الردى وانا يتيمة الابو مع ذلك مارحمني قاسي من مواقفه:
زانطني ليش ماتبخرين شعرج وانتي ماتعرفين انتي ماتسالين رفيجاتج شيسوون من ثاني اسبوع بعرسي وهو يقولي انتي بارده وانا تووووني عرووووووس مع العلم انا بدويه وتظامنا مانتكلم مع الرجال الا بليلة الدخله ولا وظفني ولا شي ماتوظفت الا لما رحت لاهلي و ومواقف كثيره الكل لاحظ علي وقالو شكلج مو عروس ليش جذي ..!!


فوووق كل هذا يابنات احبه مابي اتزوج غيره والله اني ابجي الليل والنهار وادري انه مايستاهل بس مادري ليش ابيه مادري ليش مو راضيه اشيله من مخي تعبت والله العظيم وانا ادري انه عايش بربيع ولا داري عني واهله كلهم يبوني وكلهم عارضوه بزواجه لان اللي اخذها مطلقه وعندها عيال وهو توه بادي حياته مع ذلك مو راد على احد

تعبت حسبي الله ونعم الوكيل