شعر ((الله يسامح ظروف الوقت والحاجه ))

الله يسامح ظروف الوقت والحاجــه
خلتني أرضى بشيً مايناسبني

والحظ عيا بوجهي يطلـق أحجاجه
ياكم نخيته ف يوم وأختلف ظني ..!!

الصدر فيه الهموم السود دواجـه
احيان أسولف بها واحيان تخنقني


والعين للدمع شفقانه ومحتاجه
ولا عاد به دمع يوم أحتجت يسعفني

وحبيب عمري عمود القلب وسراجه
اللي دفعت له روحي دون يطلبني

جاني وخفت أزعجه وأسبب أحراجه
ولا أبيه في قسوة همومي يشاركني

وأثره درى بالهموم وحط مخراجه
قلت المحبه جمله قال .. فارقني

ورفيقي اللي بوقت الضيق محتاجه
يوم الشدايد نخيته وابتعد عني

كنت أحسبنه ضماد القلب وعلاجه
وأثره لأجل حاجة ف الوقت رافقني


ضقت وضاقت علي والناس هراجه
كلن لياجاب طاري قام يشذبني

لو كان مانستمع في هروج دواجه
لكن هرج القرابه حيييل يزعجني


الهم قلب المعنى وحطم أبراجه
حتى تسلط على عرشه وعاقبني

والصبر مـدري علامه صك مزلاجه
كنه يقول أنت واحد ماتواكبني


مدري هو الوقت شين وصعب دولاجه
وإلا أن وقتي غريب ومايناسبني

قالو علامك وقلت الله على الحاجه
خلتني أرضى بشيً مايشرفني..!!!

منقول