بستخف من مصايبي

بنات شلونكم مو عارفه شنو اكتب افكاري ملخبطه مليت زهقت سنييين والمصايب تتحذف عليي ظلم ومشاكل وديون ولا مشكله انحلت ادري بتقولون صلاه وقران واستغفار ودعاء وصدقات والله كل هذا سوييييته ومن زمان انا جذي واستغفر بالالاف عادي اوصل لي عشر الالاف حشى لله ماشفت الفرج وان ياني الفرج بالرزق عن طريق ديون واذا يتني نصره عقب تنقلب عليي مع ان ماظلمت احد انا انظلمت وناس انظلموا معاي مالهم ذنب والظالم يسرح ويمرح من غير عقاب وهو لاصلاه ولا شي قمت اوسوس اقول اكيد الله يحبه ليدرجه ان موفقه وميسر اموره والله هالظالم قطني بمشكله انا وناس بريئه مالها ذنب وانا الحين ثلاث ليالي نبجي كلنا مو عارفين الحل ودعيت واستغفرت بس مليييت خلاص والله زهقت والله وانا مساع ابجي ومنهاره قلت كلام كفرت فيه احس بستخف خلاص لي متى اشوف الي حوالي ماشاء الله امورهم ماشيه الله يهنيهم وانا من سيء لي اسوأ مابقى دعاء مادعيت فيه مابقى شي ماسويته خلاص اووووفر وياريت انا الحين بمشكله وحده قسما بالله يمكن انا عندي حاليا فوق عشر مصايب مو لاقيه لها حل والله ما ابالغ بين ناس طلموني واذوني وطلاق ومحاكم وقضايا وظلم بالدوام وبين ديون ومصايب وايد تعبت تعبت لي متى بصبر خلاص فوق طاقتي فوق طاقتي لجأت لربي وتوكلت عليه وبذلت الاسباب ذليت نفسي لربي والابواب مسكره كافي اني انذليت للناس يعني شسوي شلون احل اموري والي ايي يطلب مشورتي اعطيه جرعات تفاؤل وانا بهالهموم كنت متفاءله وكنت اقول لا اكيد ربي بيفرجها ماراح يخليني انا اذكر ربي بتوفق والي ظلموني مايدلون الجبله ماراح يتوفقون ظالمين وربي بياخذ لي حقي منهم واهم شين وقواه عين يقولون ماظلموني وكا الحين اهم الي متوفقين وانا الي متعسره اموري ياربي افكر انا مالي حوبه احس الله مايحبني ولا يبي يسمع دعائي بتقولون اهو يبيج تدعين اكثر عشان يسمع صوتج بس ياربي لي متى لي متى قمت احس بالذل جذي والمهانه ادعي من غير فرج مادري شسوي بنفجر والله بنفجر مافي احد يرحم حالي وحال الي معاي