صاولي 4 شهور وانا متزوجه وللحين انا بنت ( لقيت حل للمشكلتي )

السلام عليكم بنات

قبل شهرين نزلت موضوع عن مشكلتي ان صارلي 4 شهور انا متزوجه وللحين انا بنت ..

وشفت ردوود البنات كلها ولا وحده فيكم قدرت تساعدني الا وحده الله يجزاها الخير ويحققلها الي تبيه كانت بنفس مشكلتي وطلع فيها وفيني شي اسمه (( تشنج مهبلي لا ارادي ))
يعني في عضله بالمهبل متشنجه ماقدر ارخيها كلش ومن ايي زوجي لا ارادي اسكر ريولي ولا ادزه ( موووووو منييييي ) من العقل الباطن الي هالتشنج وايد ياثر عليه اهوا الي يخليني اسوي اشياء لا اردايه مثل ادز زوجي او اصرخ او اسكر علي ريولي وجذي ..
انا مستانسه الحمدلله لاني تميت 6 شهور حاليا وزوجي للحين متعلق فيني بعض الريايل تلقونه من اول شهر او شهرين مايتحمل مرته يطلقها علي طول بس انا ولله الحمد زوجي صبر وياي لين لقيت حل لمشكلتي
ولازم اروح اتعالج .. صج ان 6 شهور وايد بس انشالله ماتزيد مع العلاجات وجذي لان بعض الدكاتره الي سمعت عنهم باليوتيوب يقولون ان هالعلاج يتم من 10 ايام لي اسبوعين يعني يبيله هالعلاج وقت
وانا صراحه مستانسه وخايفه بنفس الوقت مستانسه لاني عرفت لمشكلتي حل وخايفه من العلاجات وجذي انا من اي احد يقرب من هالمنطقه اصير مينونه استخف مابي احد يجيس ولا احد يقرب فمابالكم لو هالمنطقه اهيا الي فيها مشكله واهيا اللي لازم تتعالج والله حدي خايفه .. ادعولي




الحين نزلت هالموضوع علشان ابيكم تساعدوني اذا احد سمع عن التشنج المهبلي ان احد سارله هالمشكله وتعالج منها ابي اعرف شنو الدكتوره الي راحتلها لان مو كل دكاتره النساء يعرفون بهالمشكله وانا مابي اطيح علي وحده ماتعرف شي وتعقدني واتم طول عمري متعقده من سالفه الجماع اعرف وحده 13 سنه متعقده من هالموضوع ومن احد يتكلم عن الجماع وجذي تقعد البنت ترجف وتبجي انا مابي يصيرلي جذي فبليز بنات ساعدوني ابي دكتوره نساء وولاده متخصصه بعلاج التشنج المهبلي ..