رساله هامه للجماهير شعب الهلال الملكي .. جداً ضروري الدخول

بسم الله الرحمن الرحيم


السلام عليكم ورحمة الله وبركاته اخواني واخواتي شعب الهلال الكرام

هارد لنا بالتعادل ليلة امس في ارضنا وامام جماهيرنا الغفيره

فيه ملاحظه مهمه جداً جداً جداً ... حتى ناصر الشمراني في احتفالية الهدف الثاني

ارسلها لنا كـ مشجعين وحضور بالملعب

كلنا حضرنا للملعب وحبينا نزف رجال ولاعبين الهلال بأول ثلاث نقاط

في البطولة الاسيوية وخصوصا في ارضنا

الشي المستغرب منا كـ جمهور نحضر بكثافه لكي نزرع الحماس والروع للاعبين

بس اللي اشوفه واتحسر عليه ماشوف من جماهيرنا التشجيع الاغلبيه يحضرون عشان يشوفون المباراة فقط

وهذا اكبر غلط منا كـ محبين للكيان الهلال نبي نشوف تشجيع للاعبين
انا اعجبني ناصر الشمراني يوم اطلق رسالته بعد هدف التعادل امس

يجي عندنا الجماهير يقول ما اسمع منكم تشجيع وين حماسكم لنا وين تشجيعكم

قسم بالله العلي العظيم ان اللاعبين يسمعون الحماس ويشوفون كثافة الجمهور

والاهم هذا تشجيعكم طوال المباراة هذا الشي اللي ناقصنا في جمهورنا الكرام

الكل عارف مجموعتنا جدا صعبه في هالبطولة

نبي جمهور يهز الملعب هز وتشجيع في مجريات المباراة كلها مو في هجمه او فاول او حاجه

ما نبي البرود للاعبين المشكله في ارضنا هذا الشي اللي قاهرني

يا شعب الهلال الوافي اتمنى المؤازره ثم المؤازره ثم المؤازره للاعبين

وتمنياتنا بالتوفيق ان شاء الله للكيان الهلالي

واسف على الاطاله

تحيآتي