السلام عليكم بشتري نعيمي للتربية وبشوركم
اغنام - ابل - دواجن - طيور
يعطيكم العافية معاكم اخوكم بوشهد من الكويت وباخذلي حلال نعيمي لأنتاج الذبايح بحكم انتي جديد بهل المجال لازم استشير ومن استشار ماخاب وعندي خلفية بسيطه عن تربية الغنم وانشالله مأنتو مقصرين معاي
ابي ابدي ابخمسين رأس وهد عليهم فحل وطبعا الغنم الي باخذه غنم عادي يعني ماهي صنف ولا مجنويه انا هدفي انتاج ذبايح وعندي كم سؤال ويليت محد يبخل علينا بلأجابه
1- اذا رحت اشتري كيف اقدر اقيم انه الي يشتريه شي طيب ويصلح ؟
2- تنصحوني اشتري مطافيل ولا نعوج ولا دفيع كبداية ؟
3- بنسبه لصبي شلون اجيبه وشلون احصل واحد ثقه ومظمون ؟ انا الي حاطه ابالي اطلب هندي من بره ولا اثيوبي واحطه عند واحد عنده حلال فترة شهرين الى 3 اشهر علشان يتعلم على غنم تالي اجيبه عندي يجابل الحلال
4- بنسبه لأدارة القطيع تنصحوني اوقت ولادة الغنم توقيت واحد ولا اخليها هدد يعني مته ماحملة حملة ؟ انا حاط ابالي انه اخليها توقيت واحد أحسنلي علشان ما اتخبص بحسبة العلف ومصاريفها ويكون شغلي منظم
5- شرايكم بأستخدام الشعير المستنبت كغذاء اساسي بدال البرسيم و لشعير ؟ انا سمعت انه في فايده اكثر وتكاليفه اقل وانا اقدر اني ازرعه عندي مكان وسمعت انه الغنم تستنكره ما تاكمله صحيح هل كلام ولا لا ؟
6- هل صحيح انه الغنم تولد مرتين بالسنه؟ انا الي اسمعه انه حسبتها على ولده ونص بالسنه يعني بالسنتين 3 ولدات
7- ممكن واحد يتكرم وحسبلي مصاريف 50 راس من علف وماي وادويه ومعاش صبي الشهريه ؟ سألت واحد عنده حلال قالي 280 دينار تكلفك شهريا هل كلامه صحيح وياليت الي بحسبها اسوي الحسبه مفصله الله لايهينه علشان معرفتي بهلحسبه مو دقيقه ومنها تعرف تكاليف العلف واتكون الحسبه على سعر العلف ب الكويت مو السعوديه كوني بربي الحلال بالكويت
8- شلون اتعلم على الصنف اكون خبير بهل الأمور وعرف لصنف ؟
9- شنو اهي اهم المشاكل الي يمر فيها مربي الحلال ؟
وهذي اسألتي لكم ويعطيكم الف عافيه ويليت كلن يدلي بدلوه وشاركنه ابخبراته
hgsghl ugd;l fajvd kudld ggjvfdm ,fa,v;l
