ماجد بن خرصان ~ نهر دجله

نهر دجله

والله احتاج لحضوركك ي غلاي
والله ان عيني على شوفتك عجله
لي ثلاث شهور ماوقف بكاي
من كثر دمعي ينافس نهر دجله
ياشقى حالي وويلي يا عناي
ليت احاسيسك من الي صار خجله
قلت ﻻفراحي سلام وباي باي
وجعل افراحي فدا ياناس لجله
فرقاه داي وشوفة عيونه دواي
وحلمي يلامس قدم رجلي قدم رجله
هو قمر دنياي ينور لي سماي
وﻻ غفى جفني مع النوم اعرج له
التقي به وابتسم واقهر عداي
واتربع واستوي لجل اهرج له
ثم يصحوني رفاقي واخوياي
وينتهي حلمي وحكيي ما اندرج له
ابكي على الماضي وﻻ ادري ويش جاي
القدر مدري وش مسطر بسجله
بس انا محتاج شوفك يا غلاي
والله ان عيني على شوفتكك عجله

ماجد بن خرصان