حالتين في الحلال افزعولي تكفون
اغنام - ابل - دواجن - طيور
السلام عليكم وش علومكم وناخوكم
انا عندي نعيم ومعزا
النعيم اغلبه شعره حااات وفيه شاتين منتهيات مره صوفها طايييح ورابضات عزلتهن والباقي نشيطات بس شعرهن حات
جبت بيطري ليوم جرع الشاتين شراب ديدان وعطاهن ابرة جرب
وضربت كل الحلال النعيم ابرة جرب وحطيت في المعالف شراب ديدان ومع الشعير فيتامين
ابي اسألكم وش سبب حت الشعر وكيف اتوقى منه وهل علاج الدكتور مناسب من خبرتكم؟
ثانياً
عندي جفره عمرها 9 شهور تقريبن على طرف ذيلها من ورى دم او ماده مخاطيه قالب لونها للاحمر الله يعزكم ويكرمكم الله يكرمكم بس تفقدت حياها مافيه اي شي وللمعلوميه الجفره انا عازلها وشكيت انها مضروبه من قبل او يوم ترعى ضربها الفحل ودورت في الحوش لايكون طاشه او شي ماحصلت اي شي
ابي رايكم وخبراتكم
والله يوفق من يرد علي
انتضركم
phgjdk td hgpghg ht.u,gd j;t,k
