ياسعود عطني دلة الكيف عطني
قصيده ا رجوا ان تتقبلوها
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black"]
ياسعود عطني دلة الكيف عطني = واسكبلي الفنجال يابن العريبين
والى انتهاالفنجال يابوك زدني=وقتي خدعني يافتى الجود عينين
امشي واجامل كل منهو نشدني=من ذلتي يشمت كثيرالملاعين
من عقب ماراسي عزيزن خدعني =واصبحت كني من حساب الذليلين
خلف الستايرمسرح الهم يبني=يهتك ستر ربي ويهتك ذرى الدين
يارب وقتي عاندك قال كدني =وانت الذي تقصم عروش وسلاطين
يارب اناطالبك يارب فدني= هل فيه من يرجيك يشكي نوى البين
سبحان من يسعد بجنات عدني=الواحد الفرد الصمد راعي الزين
يارب اناوقتي وهمي حشدني=يافارج الشدات رب المحبين
تنكرتلي دنيتي وابعدتني=وانت الذي ربيتني خلق مع دين
كريم خلقك لاعتذرت يحمدني=كيف الاله اليوم رب الكريمين
امشي بجودك والليالي حدتني=اعطي ولااخذ فطرتك وانت هادين
وارحم جميع الخلق لوهي رمتني =فطرتك يارب الكرم والرحيمين
واسامح خبول البشر لاظلمتني =محبتن لك وانت خيرالمجيبين
واسعى لمرضاتك ولوهي اتعبتني =من شان ذاتك كلش يذل ويهين
يارب لوحر القوايل شوتني =وفي كل يوم ن يصبح الهم همين
ولو كل خلقك تجتمع ثم بلتني =انسانهم مع جنهم والشياطين
فعبدك على عهدك ولووصختني =دنيا رحاها تطحن الزين والشين
الغوث من هم بقلبي عبدني=يسرح ويمرح وانت خير المغيثين [/poem]
نادر الناهشي
