مخنووووقه حيييل وتعبانه

السلام عليكم حبيباتي ....

بدخل فالموضوع علطوول ...قصتي يمكن تكون مقززه للبعض..وغريبه
بس شسوي ماعندي احد افضفض له هالهم الكبييير الاهنا ..لان ماحد يعرفني ..علاقل يمكن يمممكن ارتاح شوي
بس بليزز مو حابه احد يجرحني ..قلبي مو متحمل اكثر ..
مو عارفه من وين ابتدي ..من طفولتي ولا من مراهقتي ولا من وين ...اه يمه
خواتي انا تعبانه ومتضايقه وهالهم والحزن اللي فيني من لما كنت طفله ام 5 سنين تقربيا او اقل ..بسبب التحرش الجنسي ...اه اه اه
انا مكسوره ..
كان الكل يتحرش فيني من اولاد الفريج ...كانو اولاد كبار بس يشوفوني اللعب ينادوني او ياخذوني بالقوه ويبتدون يلامسون جسمي ويتحرشون فيني ...انا اتضايق واحاول انحاش بس يمسكوني ويكملون ...
وضليت ساكته ومنطمه وانا لايعه جبدي من شي اسمه جنس اكره الرجال ولا اثق فيهم ... لوصرت بالصدفه مع واحد من اخواني في غرفه وحده او فالمطبخ او الصاله لحالنا بسرعه اقوم ويكش شعر بدني اخاف يتحرش فيني حتى ابوي ماحب اجلس معاه لحالنا
كرهت الدنيا وكلشي
كبرت وحاولت حاووولت انسى واتناسى الموضوع بس كل ليله لحطيت راسي عالمخده اتذكر كلشي بالتفصيل ،،،،
تعرفون لتذكرت شنو اسوي بروحي
امارس العاده السريه وبعدها اقوم ابكي وبكي وانتحب وحالتي تنعفس واكره نفسي واشمئز منها ..صابني اكتئاب وحاولت اشرب كلوركس لما صار عمري 15 ...كله افكر بالانتحار صابتني كآآآبه قويه يس ماحد من اهلي لاحظ علي ابدا لان كان دمي خفيف وكله اضحك بس من داخلي تعببببان ....
اللحين انا عمري 27 سنه ...وحالتي رديه مايروح هالشي من بالي ذابحني وقاهرني تزوجت بعمر ال22 الحمدلله حسيت ان حياتي بدت تستقر وارتحت لان زوجي طيوب وحنون حييل صج ان عصبي يس عادي علاقل احس معاه بالامان
حاولت افاتحه بالموضوع بس ترددت قلت ماله داعي وكتمت هالهم بداخلي كابوووس بيضل لين مماتي ...
المهم اللي زاد الطين بله بنتي فديتها قبل اسبوع جاتني وقالت لي ماما ولد فلان دخل يد تحت وحركني بقوه انا فهاللحظه وقف قلبي وجمدت مكاني قالت لي ماما فلان سوالي وصاخه
....ياريي شالحاله شسوي اللحين ..من اقوله ومن اشكي له هالشي احس صعب حييل اخاف على بنتي من هالاشكال كيف احميها والله ياخواتي انا مرتبكه واحس هالموضوع ضعف شخصيتي وموتني ...احس اني ساذجه حيييييل حيييل ...دائما انظر للناس وكانهم ملائكه دائما احسن الظن فالاخرين ما اقدر ادافع عن نفسي ولا عن بنتي ...قولو لي شسوي
اخر مره جاتني حاله انهيار لان هالموضوع دائما على بالي ...
دخلت عالنت واخذت رقم استشاري كبير ومعروف اشكي له حالتي وكتبت له قصتي من الف اى الياء
تعرفون شنو رد علي
والله راح تنصدموون مثلي ...قال لي كتبي هالشي لي بالتفصيل قلت له ليش قال عشان اكون على علم بادق التفاصيل واقدر احل هالمشطله
انا الغبيه صدقته وكتبت له كلشي
بعدها رد علي وقال انتي sex ..الله يلعنه الله يلعنه الله يلعنه ..تعرفون هالحيوان معالج بالطاقه وحاول ياثر علي
لان قال لي عطيني اسمك وعطيته اسمي لان يقول بعالجك بالطاقه بس لازم تعطيني اسم امك واسمك عشان اعالجك وراح ترتاحين ...انا صدقته لان قلت مستحيل استشاري بتصير نوايه غير سويه ..وعطيته اسمس واسم امي ..ولما عطيته اسمي قال بعد يوم برد عليش حل المشكله
وبعدها رد ..بس بسلوب قذر وحقير وكل انواع القذاااااره فيه
اعرفون شنو قال ..قال انتي ماتصلحين الا لها الشي لل.... ...
لعنة الله عليه ...وقال كلام
هالشي هدني وجرحني ...احس هالعال ماكو امان كلش الناس ذئاب مفترسه وحوش عايشين فغابه
خلاص تعبت
سامحوني عورت راسكم بقصصي ..بس ماكو الا هالمكان استر لي ماحد يعرفني ..