شعر فــــــكر مـــــستر . ورو مـــــنسيّة نزار . و فـــلـــسفة درو يــــش

http://up.3dlat.com/uploads/12871109645.gif

http://up2.up-images.com/up//uploads...3e2bd3a9fc.jpg

http://dc09.arabsh.com/i/01322/p29wivn86694.gif



فمان اغلى ثلاث سنين مِتّ بْها عـــشـان اعيـش
فمان الحب واحلام القلـوب البيـض والخــــضـرا
فمان الآه من كثر الزعـل والشـوق والتـــطنيـش
فمان عيونكم اللي مالها بين العيـون .. اُخــــرى
فمان غروركم اللي علّم الطاؤوس نفْـش الريـش
فمان عطوركم اللي تسكن انفاسي .. وبالأحــرى
فمان انفاسكم اللي تسكن عطوري ومدري ليـش؟
فمان الليل .. واحضان الدفا .. ومْصافح الـــقمـرا
فمان الباب والشبّـاك يـوم اواعــــدك ونـــــطيـش
فمان التوت .. والرمان .. واحلى فا ـكــهـه حمـرا
فمان الشك وظنون الخطا والكـذب والــــتشويـش
فمان الجوع واحساس العطش .. ومفارقك صحرا
تعبـت افتـش فى لْوحاتهـا واضنانـي الــــــتفتيـش
فمان ضلوع مكتـوبٍ عــــلـى أنحاءهـا اليُـــسـرى
" هُنا توجد جروحي " لو تكرّمتـم : بـلا تنبيـش
فمان دموع لا تُسمـن ولا تُغنـي مـن الــــــــذكـرى
وانا اللي ماقدرت اطلع من اجوائي معكم بشويـش
فمان المنتدى اللـي كلمـا جيتـه .. وانـا أقــــــــــرا
معاناتي من اول يوم في وصلكم إلـى الـــــتهميـش
فمان الشاعر اللى يستجمع بتجربْتـه الــــــــصغـرى
فكر مــستر . ورومنسيّة نزار . وفـــلسفة درويـش
فمان العاشق المجنـي عليـه .. بتسليـة عــــــــــذرا
من اول "بعشقك" حتى نهايـة " مـا تــصبّرنيـش "
فمان الخوف ويدينـكم جنـود وأضــــــلعـي أســــرى
وانا فيني من الإحباط .. مايكفي هــــزيمـة جيــــش
فمـان اشيـاء ماتنقـال للعالـم .. ولا تــــــــــطــــرى
ممالك حُب دمّرها التعب و اللعب وسْياسة التطفيـش
فمان الإيش ؟ ما أدري .. ولكـن الزمـان..... ادرى
وانا اللي ضاع مايدري .. حبيبه ضيّعه لجل ايش؟
فمان الله ياقلبـي مـع انـك جـــــــــــــــرح مـا يبـرى


أتمنى أن تروق لكم
لكم جميعا محبتى وتقديرى وامتنانى حفظكم الله وأنارطريقكم