مـــعــــاد يـــغـــريــنــي
[poem=font="Simplified Arabic,5,blue,bold,normal" bkcolor="transparent" bkimage="" border="double,6,blue" type=0 line=0 align=center use=ex num="0,black"]
معاد أبي من مابقالـي ولا شـي=ومعاد أبي من صبح الايام حاجـه
الا الفعول الطيبه دامنـي حـي=اللي بها ذكري ينـور سراجـه
معاد يغريني بوقتي سـوا هـي=أسعالها سعي المريض لعلاجه
ولا الزمن مهما يسوي يسـوي=معاد تفرق صفوته من عجاجـه
يقبل علي ولا يكشـر بوجهي=يضيق بي ولا يجـي بأنفراجـه
لاعاد له طربه ولا فرحه أتجـي=ومعادها في وسط قلبي تواجـه
الا الكأبـه والحـزن والتمنـي=وهم(ن) ورى عوج الحنايا مداجه
يالله يامعبود يامـن لـك أشكـي=ياخالق(ن)عبدك وعارف خراجه
يوم التواجه والحشر والترجـي=أغفر لعبدك من جهنـم وناجـه
غفرانك ورحمتك ممـا نسـوي=يامن لك الكفيـن ترفـع وتاجـه
أشوف في دنياي وأسمع بوقتـي=مايخلف العاقل ويقلـب مزاجـه
الناس عيت بينها البيـن تصفـي=وعلومهم صارت نفاق وسماجه
ناس(ن)على وجهين تقبل وتقفـي=وجه(ن) تقفيبه وجه(ن) تواجـه
ميرادهم مطويتـن مابهـا مـي=منها يصدر كل مطلـق حجاجـه
حاموا عليهـا كلبيهـم ظوامـي=من قاعها شربوا الخمج والهماجه
يوم أرتووا بشجارها مالقوا فـي=والقيض حره له سموم وهاجـه
أصغرهم أمن أهل الكبر والتغلي=وأكبرهم اللي مايعرف النهاجـه
الشاعر: مانع الوايلي [/poem]
