ضايعه بالدنيا

سلام عليكم والله مو عارفه شقول ومن وين ابتدي .. احس حياتي ملخبطه فوق تحت وعايشه بدون هدف واحس روحي منعزله عن الكل والوحده بتاكلني ... انا عمري بالعشرينات وللحين ادرس .. عايلتنا مشتته وكل واحد بصوب .. اهل امي واهل ابوي محد يدري عن الثاني وما نزور احد ولا احد يزورنا .. لا طلعات ولا روحات ولا مخيم ولا شاليه ولا سفر حدي مقموته .. انا ودي يصير عندنا زيارات ونروح وانيي والكل يعرفني بس حمدلله والشكر كلنا مطشرين احس بالوحده والله وفوق همي فيني رهاب اجتماعي ووسواس قهري وقلق ماكلني هالمرض اكال !! حتى اذا قعدت مع احد اتم ساكته ما عندي سوالف سنعه لان طبيعتي معتزله عن الدنيا فمن وين اييب السوالف؟؟؟ حتى لو سولفت ما عندي اسلوب بالكلام يعني مو وقاحه وقلة ادب لاء بس كذا شخص قالي انتي ماكو اسلوب وحدي تعقدت فقلت انطم واسكت احسنلي ولا اتفشل والكل ينفر مني .... حتى اذا رفيجتي دقت علي ارتبك وساعات احقر واتعذر ومحد يدق علي ولا احد يحب يسولف معاي ولا احد يحبني حاولت اغير نفسي ماقدرت كل ما وقفت على ريلي طحت احس نفسي عاجزه والله العظيم ما ابالغ وانا توني بدايه عمري قاعده احاتي سنيني اللي بتضيع وانا بهالحال اللي بعمري مشالله كل وحده تقول الزود عندي وكل وحده عايشه حياتها بالطول والعرض والله انقهر من داخلي ويحز بخاطري حيل ان انا ليش جذي ما اعرف لا بالماركات ولا بالمكياج ولا*باللبس ولا اي شي والله احس جني صنم ما احس اني سويت شي او انجزت شي بحياتي واحس باحساس الفشل ينهش مخي الكل يقولي انتي غامضه بس الحقيقه ان مابي أدخل احد حياتي لانها تفشل احس اني انسان بلا قيمه والله العظيم انا ما اقول هالكلام حق احد وكله اكابر واقول حق نفسي اني انسان لي مكانتي الاجتماعيه وافرض احترامي على الكل بس بالحقيقه طل والله اني قاعده اتعذب ودي احس بالاهل والاصدقاء بس عايشه وحيييده والله حتى اللي يحاول يتقرب مني اطفشه وكل ما احد تعرف علي لازم يتركني وكل ما حبيت واحد تركني حتى اللي ناوي يخطبني طيرته بغبائي واسلوبي الغبي .. ابي اعيش حياتي ابي الكل يحبني والكل يبيني والكل يعرفني انا لو افطس اموت محد درا عني والله خنقتني العبره لان هالكلام من اعماق قلبي وعمري ما فضفضت عنه وسلامتكم