عاجل جداً ... يا مجلس الجمهور الهلالي بالشرقية
السلام عليكم ورحمة الله وبركاته
عندي عدة ملاحظات على مجلس الجمهور الهلالي بالشرقية أحب أطرحها بما أن مباراتنا القادمة في الدمام,
أولاً أنا أحد الجماهير اللي ما تفوت أي مباراة للهلال بالدمام.
ألاحظ دائماً الرابطة ما تجي إللا بآخر ربع ساعة أو عشر دقايق للملعب ويكون المدرج اللي يجلسون فيه قد امتلأ (جوار المنصة) ويبعدون ناس من كراسيهم عشان يجلسون ويصير المدرج مزدحم من كثر الواقفين!! غير ان الحضور المبكر له دور في تشجيع اللاعبين فترة الإحماء وزيادة الحماس للجمهور للتشجيع.
للمعلومية أغلب أو كل مباريات الهلال بالدمام المدرج الهلالي يمتلئ واللي ما يلقاله مقعد يجلس عالدرج و أو يتعلق بأسوار المضمار!
فلهذا الشيء عندي ملاحظتين أخرى:
أولاً: الرابطة دائمة شغلها مع المدرج اللي هم فيه فقط تخيلوا! مدرج واحد وإذا شدوا حيلهم حمسوا المدرج اللي جنبهم بس! لكن المدرجات من خلف المرمى إلى الواجهة نايم الجمهور فيه لعدم إستغلال الرابطة.
أحيان قليلة جداً يعملون حركة الموج بالملعب يتفاعل الكل بشكل جميل وهذا اللي نبغى نشوفه بأغلب اوقات المباراة (تفاعل معظم الجمهور)
ثانياً: لماذا لا يستغل اكتمال مدرج الهلال بإظهار صورة جمالية رائعة عند دخول اللاعبين فمثلاً يستطيع الجمهور الهلالي بالدمام إظهار تيفو بإتقان, وإذا التيفو ما تقدرون عليه تقدرون بطرق أخرى كثيرة بسيطة مثلا توزيع الأعلام الصغيرة على كل المقاعد وترفع بوقت واحد وسيظهر منظر جميل, أو رفع علم كبير جداً وينتقل من مدرج الرابطة إلى الواجهة أو .... أفكار كثيرة بسيطة لإستغلال الحضور الكبير اللي حرام ينظلم وما يعطى حقه!
أخيراً .. هذي مقاطع تبين كثافة الحضور بملعب الدمام
1
‫الحضور الجماهيري بمدرج الهلال بمباراة الاتفاق 2013‬‎ - YouTube
2
‫طرب جمهور الهلال أمام الإتفاق - دوري زين 2011 - HD‬‎ - YouTube
المقطع الأخير شاهد من الدقيقة 4:47
آسف عالإطالة
