((((((((((( خلها مستــــــوره ))))))))))
[poem=font="Arial,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليل(ن) قضيته ساهر(ن) مع نوره=احلى كثير من الترف وقصوره
تكفا لا تنشد لا تجر الساني=آنا دخيلك خلها مستوره
يا نعنبو جد الهوى ودروبه=يفقد معه بعض الرجال شعوره
يسقيك خمر من الغرام مصفى=حتى تثنى كنك الباكوره
ليل(ن) قضيته في الهوى مع خلي=ليله على المكشوف صوت وصوره
اسقيت نفسي من هواه الصافي=مركب غرامي سابح(ن) ببحوره
كني بروض(ن) والهوى يلعب بي=عديت من عال الغرام جسوره
ما اوحي ولو انك تصيح تنادي=ما اشوف لو تكتب على السبوره
وذكرت ليلي يوم كنت لحالي=ودموع عيني كنها النافوره
يوم ان خلي ينحرم لا زاور=وانا سواته منحرم لازوره
من ذاق شي من الغرام وعوّد=طعمه يضلي في قفا حنجوره
يصبح يون من الغرام ويشكي=والوقت يلعب به سوات الكوره
اما جلس مهموم مما صابه=ولا قعد كالداب في الماصوره
واليا لقى غاليه زانت حاله=كنه وزير وطايف المعموره
لو كان يتغدى بخبز وشاهي=او كان يتعشى على شابوره
واليا قضى ليله سوات البارح=الله وكيلك خلها مستوره[/poem]
