وصفة لتفتيح لون الشعر .... مجربة -

السلام عليكم يا فتوكات
انا وانا بأقرأ في المنتدى عن الشعر لقيت كام وحدة بتسأل عن تفتيح الشعر بالبابونج وجيت ارد لقيت اني ممكن ارد على وحدة والتانية لا او ان محدش يرجع ويشوف الرد فقلت احطه موضوع لوحده عشان الكل يشوفه ويارب يعجبكم


بصوا بقى اول حاجة واهم حاجة ان لازم مايكونش فيه شعر ابيض كتييييييييييييييييييييييي يييير في الراس
علشان وحدة جربت البابونج مع الشعر الابيض -طبعا هي كبيرة وشعرها كتييييييييييييير اوي- وطلع اوراااااااااااانج هههههههههههههه

**المهم انا بعمل ايه بأجيب زهر البابونج من عند العطار وآخد كبشة بإيدي وأحطهم في مية في كنكة وعلى النار والمية مش بالمقدار وأخليهم يغلو كتيييييييير اوي وبعدين بعد كدة بعد مايبرد اصفيه وبأحط عليه عصير ليمون اد ما انت عايزة وبحطه على شعري وأسيبه يعني 3 او 4 ساعات كدة وبعدين اغسله
ومن بعد الغسيل علطول لاحظت اللون الفاتح وملرة على مرة بيفتح اكتر انا ممكن اعملها مرة او مرتين في الاسبوع بالكتير وبصراحة كتير لاحظوا الفرق في شعري ماشاء الله وحتى اختي جلربتها وعملت معاها فرق وعجبها
عارفين لدرجة اني بعمل صبغات كتير والله مابتعمل معايا اللون اللي بيطلع مع الخلطة دي - على فكرة انا مهووسة بخلطات الشعر وبجرب اي حاجة وجريئة شوية في شعري عشان كدة انا مجربة صبغات كتيييييييييييير واخر صبغة من كوليستون الجديدة الاشقر اللوزي المفروض شعري يطلع زي لون اللوز كدة وانا شعري من الاول فاتح من الخلطة دي وايه رأيكم انها غمقت شعري ودلوقتي عمال بأفتحه تاني بالليمون والبابونج زي الاول

**وطريقة تانية كمان ساعات بأحط عصير ليمون بسسسسسسسس من غير حاجة - هو صحيح بينشف الشعر اوي لكن اوقات بعالج الموضوع ده لما اكون رايقة وبخلط معاه كريم من بتاع حمام الكريم اللي عندي عشان يطريه - وبفضل بيها برضه 3 او 4 ساعات وعلى فكرة الخلطات دي من مواقع اجنبيه بس عليها اضافات مني هههههههه
وكمان فيه صبغة اسمها sun in دي بالليمون بس فقلت اعمل الليمون بدالها

**وطريقة تالتة - وكله مشتق من كله - بأجيب البابونج واحطه في الكنكة ومعاه كركم وليمون او قشر ليمون لو عندي - انا لما بستعمل الليمون بشيل قشره في الفريزر لكده ههههههههههههههههههههههه - وزعفران لوعندي - يعني كل حاجة صفرا- واسيبهم يغلوا وزي اللي فات وممكن كمان ازود عصير ليمون تاني فريش

**وطريقة رابعة ممكن ساعات بحط مع الخلطات اللي انا عايزاها او متوفرة عندي نسكافيه بس ده بيبقى اغمق شوية من اللي فاتو بس ساعات بحب اللون بتاعه زي ماتسيبي هبابة نسكافيه في الكوباية - اللحاويس يعني هههههههه- زي العسلي كدة قريب منه

واخيرا انا طولت عليكم بس حبيت اقول كل اللي بأعمله وبأمانة
على فكرة انا لو فاضية بقعد تحت السشوار الطاقية - زي بتاع الكوافيرات- ممكن ساعة او نص ساعة عشان يعمل مفعول اكتر
وممكن كمان تحطي الكريم بتاع حمام الكريم على اي وصفة لو خايفة تنشف شعرك
وكمان للتفتيح نسيت اقولها صفار البيض بس انا مابحطهوش كتير عارفين ليه هههههههههههههههه عشان اول مرة حطيته وقعدت تحت السشوااااار ,................اكيد اتخيلتوا ايه اللي حصل
طبعا البيض استوى على راسي وعمل فتافيت صغيرة ههههههههههههههههه
ومن ساعتها بحطه لما اكون عارفة اني مش هحتاج للسشوار


ومعلومة تانية المرمرية هايلة للشعر وبتنعمه جااااااااااااااامد مووووووووووووت ولما بتكون عندي بأحطها بس مش كتير ومش بتقلها بتكون خفيفة عشان بسمع انها بتغمق الشعر

وعلى فكرة البابوننج ممكن تحطيه لوحده في الشطفة الاخيرة للشعر بعد الحمام وبرضه بيفتح اللون

معلش عالاطالة ويارب الكل يستفيد وعايزة اقول حاجة ان الوصفات اي وصفات على حسب نوع الشعر بتنفع او لا لاني جربت كتييييييييييييييير وهارية شعري تجارب ومش كله بيمشي معايا يعني تشوفوا اللي بيمشي معاكوا من اي حتة وتمشوا عليه يعني انا مثلا الزيوت مابتمشيش معايا خااااااااااااااالص وبتنشف شعري غير مابسمع من الكل

وحاجة كمان انا من تجاربي كتير مع الوصفات ساعات بلاقي شعري بينشف فعلطول بعمل اعشاب وخصوصا المرمرية وحمام كريم عشان يرجع تاني كويس وطري

ويارب الخلطات دي تفيدكوا
وللامانة كل اللي كتبته من تجاربي وممكن كمان تأليفي من التجارب على نفسي
وتقبلوا تحياتي


ملاحظة
ممكن لو عملتوا الليمون لوحده او حتى معاه البابونج طبعا بيكون الخليط سائل ساعتها بيتحط في بخاخة ويتبخ على الشعر منه ودي اسهل طريقة ولو كان كتير معاكي والشعر بينزل الماية تستني شوية لما ينشف وبعدين تبخي تاني وهكذا