مزون المحبه

http://www.g111g.com/upload/attachme...1667246620.jpg
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حّده علي الشوق غصب ونصاني=ياشوق تستاهل على الخشْم حبّه

عقب الفراق وسهمه اللي رماني=وادمى فؤاد الحب من دون سبّه

جاني جريح اشواق ضامي وعاني=كله ولع يرجي من الوصل طبّه

عيونه الخجلا تناثَر معاني=حَبَه تناثر ود واوجاع حَبّه

ياخوفي الخافق يفز بحناني=وعليه يرهي من مزون المحبّة

ويقول في نفسه حشا ما نساني=واثر الغلاة اوضاعها مستتبّه

ياقلبي اثقل لا تجرجر لساني=احذر تمادى يالخفيّف تنبّه

ساعدني اثبت كالجبال بمكاني=اصبر تركّد والغلا فيك خبّه

اخاف يتْغلى علي وأعاني=ويرد سيل البعد فيني مصبّه

وتشقى شرايينك مع اللي جفاني=واتْجر ونّاتك على جال حبّه

حدّه علي الشوق لهفه وجاني=ياشوق هات الخشم بعطيك حبّه

‪


[/poem]
بدر ناصر المورقي

الله الله

بدر المورقي ...


قصيده عذبة جده والف صح لسانك ولاهنت على هالرائعه

صح لسانك يابدر

لاجديد سوى الابداع

مبدع دايما لاهنت