مشكلتي حساسة

السلام عليكم

بنات موضوعي يمكن شوي جريء بس متعبني

قبل الزواج كنت امارس العادة السرية الله يغفر لي وبعدين تزوجت كنت حاطه امال بزواجي بس للاسف زوجي ماعنده اي ثقافة جنسية وامره غريب

اول زواجي كمعاريس كان يصير الجماع كل يومين مره مع اني البس له واكشخ كان يمدحني ويعجبه لبسي بس ماكان يصير شي وقالي عقب عرسي ب 4 ايام عادي مو كل مره تلبسين قميص ممكن يصير شي انا مابي اعود نفسي واعودج على هالشي
عقب الحمل وانا حملت من ثاني شهر صارت مره بالاسبوع واقل من 10 دقايق يقولي مابي اذيج وبعدين ابي اتعود امنع نفسي عشان فترة نفاسج

مرات لما يكون قاعد معاي احسه يبي ويبين عليه بس يقوم يروح الحمام عزكم الله يطول عقب يرجع مخلص اموره

المشكلة الكلام بهالمواضيع معاه صعب مايحب الجرأة مره بالفراش قلت كلمة والله كانت عادية بس يمكن الطريقة اللي قلت فيها شوي جريئة حسيت انصدم وقالي فكينا من هالكلام بعد ماخلصنا سألته قالي حلات المرا بحياها مايبيني اعبر او اتكلم

وقت الفراش اذا طول 10 دقايق مالي فيهم شي عمري ماوصلت لقمة المتعة سوري بنات على الجرأة بس شسوي الموضوع مأزمني انا مرا ولي حق المشكلة هو مايدري انه المرا توصل للرعشة ولا يعرف عن هالامور شي

احس قبل زواجي استغفر الله كان عندي اشباع اكثر من الحين جني صنم بالفراش حتى مرات حلجي يصكره مايبي صوتي يطلع يقول اهلي يسمعون وكل شغلنا بالظلمة وليما الحين مرات لما يبي يبدل ملابسه واكون بالغرفة عنده يقول لي بضحكة لفي لا تطالعيني يستحي مني

بنات اسفة والله على جرأة الموضوع بس شسوي صبرت قلت مع الوقت بيتجرأ ويتعلم المشكلة زادت تعقيد الحين مره وحده بالاسبوع وبسرعه جنه شي مفروض عليه يبي يخلص منه

زوجي احس مرات بتصرفاته انه يحبني ويراعيني ويقدرني بس هالموضوع مأزمني