كــــــل الأمـــــانــــي فــ الــــحيـــــاة استــحـــالـــــة !!!

السلام عليكم ورحمة الله وبركاته
اخواني في هذا المنتدى العزيز أتمنى أن تنال هذه المشاركه
على استحسانكم وطيب مشاعركم
ولكم مني كامل الحب والاحترام..



http://vb.g111g.com/mwaextraedit4/frames/tr2.gifhttp://vb.g111g.com/mwaextraedit4/frames/tl2.gifمحـــدٍ بـ هـالدنيــا تحقـق لـه امنـــاه

المجـد اله ناسٍ تـرومه وتهواه ** ومن لايروم المجــد يفــداك حاله
اللي مع اهــل الطيب بالطيـب ممشاه ** كلٍ ذكره بخير لاجا مجاله
محدٍ بها الدنيا تحقـق له امناه ** كــل الأمــاني فـ الحيـاة استحالــه
لو من تمنى حـقـق اللي تمنــاه ** كـــلٍ تمنــى كــل شــي طــرالـــه
- - - - - - - - - - - - - - - - - - - - - - - - - - - - - - - - - - - - -
قناعة المسلم دليلٍ علـى رضاه ** اللي يعزّ النفــس ويصـون مالـــه
لابـد فـ الدنيــا كفــاح و مُعانـاه ** ما فيــه فـ الدنيــا بيسر و سهالــه
ما كل من ينوي على شي سواه ** العــزم الـه تـأثيـــر فيمــا ينالـــه
وترى العُلا ضلـعٍ عسيـِّرٍ معدّاه ** صعبٍ على الأنذال في كل حالــه
- - - - - - - - - - - - - - - - - - - - - - - - - - - - - - - - - - - - -
ما كل من ينــوي معــدّاه عــدّاه ** شتّان مابين الشكـــل والشـكالــة
ما دامت الدنيا لـ حي(ن) بـ دنياه ** كلٍ بهــا الدنيــا سريـــعٍ زوالــه
واللي نسي للموت مدري تناساه ** اغتّـــر فـ الـدنيـــا بمالــه وآلــه
لوعاش مهما عاش يومه ليا جاه ** ماينفعــه عمــه وجــدّه وخالــه
- - - - - - - - - - - - - - - - - - - - - - - - - - - -- - - - - - - - - -
يرحل مثل غيره ويلقى ما يلقـاه ** إن خيــر ولا شر هـاذي عمالـه
صحيح بين الناس مابـه مسـاواة ** الطيب يفـرق والكرم والاصالـه
وصلاة ربي عِــد نـَـوٍّ نثـــر مـاه ** علـى النبـي اللي بُعث بالرسالــة
http://vb.g111g.com/mwaextraedit4/frames/br2.gifhttp://vb.g111g.com/mwaextraedit4/frames/bl2.gif