ليش قرر سوك هيون الرحيل عن الاهلي من تحت الباب ؟

السلام عليكم ورحمة الله وبركاته

كلنا اشدنا بسوك هيون الكوري لما جا للاهلي كفاية انه كان قائد فريقه البرتغالي قبل ان نتعاقد معاه .

اول مباراة رسمية لعبها معانا في البطولة الاسيوية ازعج الفريق الكوري بشكل كبير ولولا الحظ لكان خلص لنا نتيجة المباراة من الشرائع .

في الدوري الى ماقبل ان يصاب كان يقدم مستويات رائعة حتى اني كتبت موضوع اشيد فيه وامدحه .

لكن سوك بعد العودة من الاصابة غير كأن اللي رجع من الاصابة نسخة مقلدة منه مو هوا نفسه

فين راح سوك اللي يسلم ويستلم ويسدد ويرتقي للكرات العالية ؟

منذ عودته واخطائه " غبية " لا تغتفر وكأن في الملعب ماله وجود لكن كله كوم ومباراة أمس ضد الرائد كوم

جاته انفرادة صريحة سددها بجهة " الاوت " وكأنه يقصد ذلك وجاته كرة اخرى من الجنب وحاول يلعب كرة مقصية وطاح على ظهره بكل غباء

الكرة الوحيدة اللي حاول يسددها ما اختار فيها الا جهة الحارس ورماها اي كلام

اذا يبغى يغادر بهذي الطريقة ترى " الباب يوسع جمل " ..

ملاحظة : الفريق اللي شفناه امس ضد الرائد " مايأكل عيش " لابد وان يستغني بيريرا عن موسورو وليل وسوك ويحرر تيسير ويجعله مكان موسورو ويجلب لاعب محور برازيلي ومهاجم برازيلي ومهاجم اسيوي مميز .

الفريق لعبه مايطمن ونتيجة فوزه بهدف او هدفين ماتسر الخاطر

نبغى اربعات وخمسات والله وحشتنا الاهداف .