يومين والثالث ترى الحجز اوكيه

[align=center]السلام عليكم ورحمة الله



اللي يبي يروح معي يعلمني ...:biggrin:[/align]


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يومين والثالث ترا الحجز مافيه=على مصر وديار حسني مبارك
شعبا يصجك بالطرب صوت اغانيه=في خدمتك فالليل واول نهارك
مايعرف الدولار لو قلت ابااعطيه=بجنيه بخشيشه ورفعة وقارك
منقود ماتسمع وطاري مشاريه=شيخٍ ماحد يقدر يخالف قرارك
لوك تقرر فالسماء جسر تبنيه=وتحط لك مركز حدود وجمارك
ويصير لك دوله وجيشٍ توديه=يرجع لك الله كاسب ام المعارك
قالو لك ابشر والطلب لك نلبيه=الشعب في خدمتك وده يشارك
المستحيل اللي عرفته بتلغيه= في واقعك تعلن عليه انتصارك
هذا وفيه النيل ياحلو حاليه=زلال عذب اليا شربته تبارك
فالليل فيه الشعر تضبط قوافيه=كل المعاني النادره بابتكارك
غير الجمال اللي بعينك تراعيه=خضره تحدك من يمين ويسارك
لبيه يا مصر العروبه وطاريه=اللي يقول اليوم مابغا اعتذارك
لولاه ماكتب لك قصيدي واغنيه=ومن عاصمتنا مانجي في مطارك
لكن حبيبي كل صيفٍ يقضيه=واليا وصلها قال انا فانتظارك


[/poem]

.
.


الله عليــــــــــك يا سعد

رائعة من روائعك الجميلة

يسلم راسك وفكر


سعد الحويماني


صح لسانك وكلك

عدد بلااا مدد


ابدعت

يعطيك الف عافية

تحيتي لكــــ

.

لوك تفكر فالسما جسـر تبنيـه
وتحط لك مركز حدود وجمـارك


هههههههههههههه هذي بعد البانجو يابوحسن


صح قلبك وكلك


وهالصيفية بخاويك شكلك شايفن هناك شين ماشفته انا

الاحمدي

هلا بك يالغالي

صح بدنك

ولا هنت

[align=center]

اقتباس:

---

لوك تفكر فالسما جسـر تبنيـه
وتحط لك مركز حدود وجمـارك


هههههههههههههه هذي بعد البانجو يابوحسن

---

بانجو!!!

هذا الله العالم اللي ماخلاك تشوف اللي اشوفه :)

اقتباس:

---

صح قلبك وكلك


وهالصيفية بخاويك شكلك شايفن هناك شين ماشفته انا

---

مرحبا بك ..

وصح بدنك تكون رحله مميزهـ

تحيتي [/align]

[align=center]صح لساااانك يااااسعد ...


وسلم على شرررم الشيخ .... هههه



لك جل التحاااايا . ..










[/align]

اقتباس:

---

بانجو!!!

هذا الله العالم اللي ماخلاك تشوف اللي اشوفه :)

---

هههههههههههههههههههههههه

ههههههههههههههههههههههههه ههههههههههه


ههههههههههههههههههههههههه ههههههه


فضحتني يابوحسن

صح السانك ياسعد وباالتوفيق

[align=center]سعد الحويماني


صحححح لسااااانك

الى حد ارضااااااك




دمت بكل الود [/align]

فالليل فيه الشعر تضبط قوافيـه
كل المعانـي النـادرة بابتكـارك


اي والله انك صادق

تضبط صح ههههههههههههههه


ابتكارات حويمانيه يخي ابك انت من مشجعين السفر للخارج وين الوطنيه

صح لسااااااااااااااااااااانك يابو حسن والله كايفه وشاعر مافيها كلام تقبل ود اخوك

الا ود و3 تريلات ورد

يومين والثالث ترى الحجز اوكيه
على مصر وديار حسني مبـارك
شعبٍ ينادي زايره حضرة البيـه
في خدمتك فالليل وأول نهـارك
ما يعرف الدولار بخشيشه جنيه
دايم يهلي بـك ويرفـع وقـارك
لو تعترض فالخط حطوا كباريـه
قالوا هلا يا بيـه والـدار دارك
مايلحقك منقود وأيـة مشاريـه
شيخٍ ما احد يقدر يخالف قرارك
لوك تفكر فالسما جسـر تبنيـه
وتحط لك مركز حدود وجمـارك
ويصير لك دوله وجيشٍ توديـه
يرجع لك الله كاسب ام المعـارك
قالوا لك ابشر والطلب لك نلبيـه
الشعب في خدمتك وده يشـارك
المستحيل اللي عرفتـه بتلغيـه
من واقعك تعلن عليه انتصـارك
هذا وفيها النيل يا حلـو حاليـه
زلال عذب اليا شربتـه تبـارك
فالليل فيه الشعر تضبط قوافيـه
كل المعانـي النـادرة بابتكـارك
غير الجمال اللي بعينك تراعيـه
خضرة تحدك من يمينك ويسارك
لبيه يا مصـر العروبـة ولبيـه
ياللي مساري ما يخالف مسارك
لولاه ماكتب لك قصيدي واغنيه
ومن عاصمتنا مانجي في مطارك
لكن حبيبي كل صيـفٍ يقضيـه
واليا وصلها قال انـا فانتظـارك


لله دركـ وربي كل مانسخت بيت طلع البيت اللي بعده حلو وجزل مثله


اولا يشرفني اني سمعتها بصوتك العذب والقاءك المميز


وثاني شي صح لسانك الى الابد يا شاعرنا الجزل والنادر في هذا الزمن


وثالثا تراني طالبها منك صوتيه وان ماعطيتني اياها تراني بهجيك بـ 500 بيت >>> اقول طس بس :)


صح كلك يامسعاد تطربني قوافيك

اقتباس:

---

المشاركة الأصلية كتبت بواسطة سـعـد الحويماني

[align=center]السلام عليكم ورحمة الله



اللي يبي يروح معي يعلمني ...:biggrin:[/align]


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يومين والثالث ترى الحجز اوكيه =على مصر وديار حسني مبارك

شعبٍ ينادي زايره حضرة البيه=في خدمتك فالليل وأول نهارك
ما يعرف الدولار بخشيشه جنيه=دايم يهلي بك ويرفع وقارك
لو تعترض فالخط حطوا كباريه=قالوا هلا يا بيه والدار دارك
مايلحقك منقود وأية مشاريه=شيخٍ ما احد يقدر يخالف قرارك
لوك تفكر فالسما جسر تبنيه=وتحط لك مركز حدود وجمارك
ويصير لك دوله وجيشٍ توديه=يرجع لك الله كاسب ام المعارك
قالوا لك ابشر والطلب لك نلبيه=الشعب في خدمتك وده يشارك
المستحيل اللي عرفته بتلغيه=من واقعك تعلن عليه انتصارك
هذا وفيها النيل يا حلو حاليه=زلال عذب اليا شربته تبارك
فالليل فيه الشعر تضبط قوافيه=كل المعاني النادرة بابتكارك
غير الجمال اللي بعينك تراعيه=خضرة تحدك من يمينك ويسارك
لبيه يا مصر العروبة ولبيه =ياللي مساري ما يخالف مسارك
لولاه ماكتب لك قصيدي واغنيه=ومن عاصمتنا مانجي في مطارك
لكن حبيبي كل صيفٍ يقضيه=واليا وصلها قال انا فانتظارك[/poem]

---

صح الساانك ياشيخ الله الله
مديك تنتظرني ولا احجزلي جناح خاص على شاطي الاسكندرررريه يابيه انته
ياخطير ان كان على ماقلت ان هناك
فالليل فيه الشعر تظبط قوافيه
بس اخاف العكس انا

ماخذ مقلب من السفر خارج اللمملكه
مرة سريت لدبي وواول مره انا اروح وليتني رايح باص عمك راكب عربيته ومسوي زحمه على الخط ليله ويوم جا الصبح وانا مدحدر على دبي وحوسه وضياع والفنادق الي طبيت فيها كلها على ثلاثه الاف ريال الغرفه مدة اربعه وعشرون ساعه قلت ويني فيه لو اني في سويسراء ما استاجرت بثلاثه الاف ريال انا كل راس مالي ذاك اليوم الفين ريال وخمسين الف
لشايب موصيني ابيله جيب شاص ومقدر عاد انوشها ولا اسبرها هههههههههههه واخيراً لقيت لي تكسي وداني سوق نايف مدري وش اسمه ومعدين ماطلعولي سيارتي الا السلطات الاماراتيه مشكورين بعد ماضيعة موقعها وبغيت اروح وهملها ههههههههههههه

واخت موقف ومن ماقلت كم بيت
يحضرني امنها

[poem=font="Arial,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاعادها الله سريتاً يمة ادبي = وشو مسريني من ارض الكرامات
ازريت اعين ناس تفهم عربي = بلشت انا مع ذل عجم والخواجات
واصبحة ميت وسط جثماني الحي = والناس في سراء وقراء وخيرات
واغبني ان كان موتري راح علي = وش هالتبهذل والعنى والأهانات
[/poem]

:) سعد

روووووووووح دربك خضر يا سعد

بس هااه لا شوفك توطوط في شارع الهرم

والا تراني ابجيك وصورك هههههههههه

تروح وتجي بالسلامه وان الله كتب لي ابا اشوفك هنالك


لبيه يا مصـر العروبـة ولبيـه
ياللي مساري ما يخالف مسارك
لولاه ماكتب لك قصيدي واغنيه
ومن عاصمتنا مانجي في مطارك


اي والله لبيه الف


صح كلك

هذا وفيها النيل يا حلـو حاليـه
زلال عذب اليا شربتـه تبـارك
فالليل فيه الشعر تضبط قوافيـه
كل المعانـي النـادرة بابتكـارك

رائعة ..
سلمت ودمت للأعذب شاعرنا ..

يالله ذكرتني بايام مصر

كانت اروع من الروعه

لاتنسى خذني معاك

وصح لسانك