يوميات دبدوبه تبي تختفي ^_^
سلام عليكم بنات
ما ادري من وين ابدا ....
انا عمري 22 ووزني الحالي 102
انا متينه من كنت مراهقه
ما عمري من قبل فكرت اني اضعف وكنت اعتبر هذا من المستحيلات و صعب .....
الي ان سافرت برى للدراسه طبعا دوله مجتمعها غير عن عالمنا اللطيف بحيث كل شي يقطونه في وجهج بدو مراعاه او مجامله ومرات بوقاحه ...
عشان جذي تعرضت لمواقف محرجه وجارحه بنفس الوقت ....
وقتها كت اصغيره ما قدرت اتحمل هالشغله كرهت روحي اكثر صرت اتجنب الطلعات والمناسبات والاسواء حتى دوامي ما كنت احضره عدل بسبت تهربي من الناس .....
الي ان سويت شغله مجنونه .....قررت اسوي رجيم عشان اوقف هالمشكله
سويت رجيم لاول مره بحياتي ...
رجيم من تاليفي واخراجي طبعا
كان عباره عن ....
اكل ثلاث تفاحات فقط واشرب حليب بس >>>> >>>>رجيم منتحره للاسف
لاني كنت ابي اضعف بسرعه ....وفعلا صار وبسرعه بعد
صار وزني من 94 الي 75 كيلو في اقل من شهر
فرحت وووايد بالنتيجه وكنت ناويه اكمل
بس ما قدرت لان جسمي ما عاد فيه قوه يتحمل تعبت ومرضت فتره ...
طبعا بسبب فقداني للوزن بسرعه زاد ايضا بسرعه بدون ما احس بروحي وصرت امتن من قبل للاسف...
عرفت وقتها الي سويته غلط بغلط وما استفذت شي و لعبت بصحتي .....
قررت ان هالمره اسويها بطريقه صحيه بدون حرمان ... رجيم صحي مع رياااضه.....:eh_s(4)::eh_s(4):
من اليوم راح ابدا
بنات شجعوني واانا راح اشجعكم ...
انشالله بحط لكم كل يوم يومياتي ومقاطع فيديو وصور تشجعكم....
افكر اخلي قياس الوزن عندي شهري
الوزن الحالي :102
الهذف الاول :90
الهذف الثاني :80
الهذف الثالث :70
الي تبي تشترك وياي حياها الله
بنات الي تعرف اكلات رجيم سهله الطبخ ياليت تفيدني لاني وحده عايشه بروحي وكله بالدوام....
