لكل من تكلم على سعود برقاوي والرابطة ادخل وشوف ؟

السلام عليكم ورحمة الله وبركاته
اخواني جماهير الاهلي الملكي حبيت اشارك معكم بعد ماتابعت مقال لاحد الاعضاء ينتقد في رابطة الاهلي في عدم حضورهم للخرج في مباراة الشعله وبما اني احد اعضاءالرابطة حبيت ارد بالتالي


اولا.. حاب اوضح للكل ان رابطة الاهلي بقيادة سعود برقاوي الى الساعه ال12 ليلا قبل المباراة وهم يبحثون عن حجوزات من جده الى الرياض ذهاب واياب عاد من الرياض بياخذو سيارات للخرج ومالقو ونفس هذا الكلام صار في مباراة الاهلي والهلال الاخيره مالقو حجوزات وراحو الرياض بر وانا واحد من اعضاء الرابطة اللي روحنا خط للرياض والسفريه كانت على حساب سعود الخاص تكفل بسيارتين وشقه مفروشه ووجبات الغذائيه هناك النادي فقط وفر التذاكر هناك



وثاني شي في واحد يقوول لازم يحضرو لانهم يستلمو رواتب
وانا اقولكم واقسم بالله العلي العظيم انه مافي احد يستلم راتب من رابطة الاهلي ورب الكعبه كلهم يحضرو عشق وحب وولاء للنادي وانا اعرف بعض الشباب في الرابطه يدفعو لبعض حق المشاوير وكذا علشان الكل يحضر ويجيك واحد جالس في بيته ولا جالس بعيد ويقولك ياخذو فلووس حرام تتكلمو في شي ماتعرفوه وانا اقولك اخر مكافاة صرفها النادي كانت بعد تحقيق الاهلي لكاس الملك من امام الاتحاد هيا شوف يعني قبل كم سنه ياناس الرابطة
في السفريات للمدن الاخرى لاحد يلومهم لانهم يحاولون قدر المستطاع اما من ناحيت مو ضوع الاهازيج فلكم الحق ان توصلو صوتكم بان تطلبو الافضل وانتم لكم الحق في ذلك والاخ اللي اتهم سعود برقاوي بالكذب يجب ان يمحي كلامه عن رجل وفر وقدم من عمره ووقته وبعض الاحيان يترك بيته واهله ويروح خلف الاهلي في خارج المملكه ولا داخل المملكه وفي النهاية شخص زي كذا يغلط عليه والله عيب ياناس

وسامحوني على الاطاله في التوضيح