مرثية قالها ضيدان بن منصور بن قضعان في الشيخ عبدالله بن بعيث شيخ شمل ال الحمراء بني ه

مرثية قالها ضيدان بن منصور بن قضعان في الشيخ عبدالله بن بعيث شيخ شمل ال الحمراء بني هاجر رحمه الله



[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]


ليت الحزن في عين دار الجديده = ونقول حزِنِ مرنا مثل الاحزان
لكن حزن اليوم حاله فريده = حزنِ شمل كل القبايل والاوطان
حزنِ شمل يامِ بديده بديده = من قبل لايشمل مداغيش قحطان
حزنِ على شيخِ علومه مجيده = يفرح به ضعوف ويتاما وضيفان
راعي يمينِ ماتمد الزهيده = يشهد على قولي طراقي وجيران
عبدالله بن بعيث محزم عظيده = لاظاعة الهقوات بفلان وفلان
شيخ ال الحمرا فالسنين الشديده = كم فرج الكربه وكم سد ديان
وكم من سجينِ فالدجاء فك قيده= وأعتق رقبة إللي بلا أعمام وإخوان
ياحلفنا ياطيبين العقيده = ياصادقين الحلف مره وعجمان
عزالله انه راح منكم فقيده = شيخِ جمع شيخه ومسجد وقران
ولملم شمل ربعه بعينه وبيده = وخلد لهم في قمة المجد عنوان
الراس قاسي والمشابح بعيده = والقلب لين والعطيات سفطان
لوكل شيخِ ياصل إللي يريده= ماميز الله شيخ من بين شيخان
من حبه الله حببه في عبيده = ومن يعمل المعروف يجزا بالاحسان
يالله عسى الروح الفقيده شهيده = وعسى عوضنا في طويلين الايمان
عواله إللي كل منهم وليده = مقدامهم فهد وخالد ومشعان
روس الحرار النادرات العنيده = تخريجهم من مدرسة طير حوران
يالله عسى عقب الحياة السعيده = تجعل له الجنه مقرِ وعنوان [/poem]

الله يرحمه ويرحم جميع أموات المسلمين

وصح لسان قائلها

والله يعطيك العافية على نقلها .

صح السانك يابو راجس ولسان ابو منصور والله يرحم الميت

الله يرحمه ويغفر له ويدخله فسيح جناته..

وصــــــــح لسان ناقل القصيده وقايلها..

والله يعطيكم العافيه

أسأل الله تعالى أن يغفر للشيخ ويرفع درجته في المهديين ، وأن يخلفه في عقبة في الغابرين ، وأن يغفر لنا وله ، وأن يفسح له في قبره وينور له فيه ، وأن يخلف على أهله وعشيرته فيه خيراً


صح لسان الشاعر

ولاهنت يابن راجس على النقل المميز

عيون مغليها

عبد الله بن راجس

......................

رحم الله الشاعر .. ضيدان بن منصور

نسأل له الغفران و الرحمن

وصح لسانه ولا هنت يابن راجس

تحيتي لك

أختك .. بــــشـــرى