يا خالد بن عبدالله .. يا تغير سياستك يا ترحل !!!!

والله يا جماعة هذا الموضوع ليس انتقاص من الأمير خالد ولا تقليل منه ولاولاولاو .. أعرف البعض من الجمهور عندهم حساسية من الاقتراب من الرمز ..

والله ما نختلف على حب الأمير خالد للكيان وما نختلف على دعمه وحضوره المتواصل وتضحياته اللامحدودة ووووووووالخ ..

لكن السؤال إلى متى واحنا نجامل ونبرر ونسكت ونحط عليه خطوط حمراء والضحية الكيان والجمهور ؟؟؟ لما متى يا حبايب بالله جاوبوا ؟؟؟

شوف كم صرف الأهلي من بداية التعاقد مع بيريرا وتغيير المحترفين الأجانب والمعسكرات وووووو .. ؟؟ والنتيجة صفر مكعب ..

والله لو هذي الميزانية مع فريق ثاني كان على الأقل ينافس ع الدوري وقريب من الصدارة .؟؟ خلونا يا حبايب نترك المجاملة على جنب ونفكر بعقل على مستقبل نادينا ومستقبل فريقنا ونشوف حلول للفترة القادمة .؟؟

أول شيء بتكلم على سياسة الأمير خالد بصفة على وإدارته للكيان ..
ما أدري ليش الأمير مصمم على هذي السياسة وهي إنتظار جيل الأكاديمية + تعاقدات مضروبة جدا + عدم الاستقرار الفني وإقالة المدربين + غياب تام أو شبه معدوم للإعلام الأهلاوي + ضعف الإدارة وتخبطاتها وأخطاءها المتكررة كل موسم ..


مش معقول يا جماعة واحنا نملك المال وننتظر جيل الأكاديمية ؟؟ أندية الريال والبرشا واليوف والمان سيتي وحتى الأهلي المصري ووو كلها عندها أكاديميات في كل دول العالم ومع ذلك تعتمد بشكل مباشر ورئيسي على شراء النجوم من الأندية الأخرى وجلب أي نجم بارز ..

وهذي أحد أهم أسباب بقاء النادي كمنافس قوي على البطولات بشكل مستمر .. تعال وشوف صفقات الأهلي خاصة في ال5 سنوات الأخيرة .
للأسف تعاقدات وصفقات عادية جدا وكلها صفقات مضروبة ومقالب شربها النادي والجمهور باستثناء صفقة أسامة هوساوي ..

وتعال لإقالة المدربين .. يعني بالله الإدارة أحسن من فارياس بطل آسيا .. ميلوفان بطل إفريقيا .. جاروليم .. وغيره من المدربين .. ليش ما عندنا صبر على المدربين .. نفوز مباراة نرفع المدرب للسما .. ونخسر مباراة نحطه ع المشنقة .. ؟؟ لابد من الصبر على المدرب .. وشوف النصر مع كارينو وقبلها الفتح مع الجبال .. ؟؟

وتعال لإعلام الأهلي للأسف ما يقارن أبدا بإعلام الهلال والإتحاد والنصر .. مافي أي صحيفة مقربة من الأهلي تدافع عن الكيان ولا في أي برنامج يحابي الأهلي والإعلامييين الأهلاويين أغلبهم جبناء وهمهم مصلحتهم فقط ..

أما إدارة الأهلي فهي حكايتها حكاية .؟ للأسف فهد بن خالد بنى فريق قوي وشرس ووصل لنهائي الدوري اللي كنا نحلم ننافس عليه وووصل لنهائي القارة اللي حتى في بالكذب ما كنا نفكر نلعب نهائي آسيا ووصل بالفريق لمواصيل بعيدة لكن للأسف وبكل سذاجة وتصرف فردي هدم كل اللي بناه في أقل من شهر ..

كماتشو وجاروليم .. هذا الثنائي المميز هم سر إبداع الأهلي ذاك الموسم والكل عارف الشيء ... تم التفريط في كماتشو بجحة واهية وكاذبة واتضح كذب الإدارة بتوقيعه مع الشباب .. وتم جلب المقلب موراليس وتعرض الفريق لهزة بعد الخروج الآسيوي وكان الضحية هو جاروليم للأسف ..

والله الكلام ما ينتهي على الأهلي وآآآآآآآآآىىىىسف ع الإطالة لكن من الأخير إذا نبغى مستقبل مشرق لأهلينا لازم نترك التطبيل والمجاملة على حساب الكيان ..