للفائدة طريقه لعلاج تورم ضرع النعجه
اغنام - ابل - دواجن - طيور
السلام عليكم ورحمة الله وبركاتة
اخواني اعضاء منتديات اغنام بارك الله فيكم جميعا اليوم حبيت اذكر لكم سالفة حصلت لي وطبعا ابي اذكرها لكم لسببين الاول علشان تعرفون هالطريقه بالنسبة لي اول مره اعرفها ممكن فيه ناس تعرفها وناس لا علشان كذا بنقلها للفائده و السبب الثاني بصراحة جاني شعور ان الي في الصيدليات البيطريه يتعاملون مع السعودي بطريقه ثانيه علشان كذا حبيت انقل هالسالفة .
السالفه اليوم رحت لبيطري يتعامل معه الوالد وبحكم ان الوالد يروح له صرت اروح له انا بعد ، المهم دخلت عنده انا كنت ابي بنسلين لقيته يشرح لرجل الواضح انه غير سعودي من الجنسيه الشاميه طبعا يشرح له علاج تورم الضرع مع ان انا مرت علي هالحالة التورم وراجعت نفس هالشخص الي في العياده وما عطاني نفس الوصفه الي قالها للرجال طبعا هالوصفه احسها افضل فاعليه واقل تكلفه لانه كان يقولي دقها 5 سم في اللحم مره في اليوم وادهنها مرتين باليوم وهذا الشي يطول مدة العلاج وويخليك تكرر الزيارات عليه وطبعا هالشي يدخل عليه دراهم من ورانا على العموم الوصفه كانت كالتالي
عطاه علبتين بنسلين العلبه الصغيره الي ب 10 ريال و عطاه علبه وحده فقط دهان تورم وابرتين تورم ، طريقة العلاج كالتالي اليوم الاول تعطيها 20 سم بنسلين في العضل 10 في اليمين و 10 في اليسار مع ابرة التورم ، واليوم الثاني نفس اليوم الاول ، طبعا الدهان مستمر مرتين في اليوم .
في الاخير اتمنى ان افدتكم ، وطبعا ان شاء الله اني احسن الظن بالمسليمن ولكن الي خلاني اقول هالكلام الي ذكرته لكم بالسالفة ان الرجل قالي طريقه وللرجل الثاني طريقه ، ان شاء الله يطلع ظني غلط ممكن تكون صادفت وفهمتها انا كذا المقصد نقل طريقة العلاج ، تقبلوا تحياتي
والف الف الف مبروك لجماهير العالمي :MonTaseR_50:
ggthz]m 'vdri gugh[ j,vl qvu hgku[i
