. . . ( العطور اللي تجي مع نسمها ) . . . للعابث مغترب !!
[align=center]مساءكم سكر :
أولى القصائد التي أكتبها هنا مع هذا الشكل الجديد والمختلف .. تمنياتي ان تكون مختلفة :
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يامل قلبٍ لاتفكر بماضيه = عَود على روح العنا وإستلمها
يالين تصبح جثة ٍ من طواريه = كنه يصور فرحته في آلمها
ليت الصبر ينباع بالمال وأشريه = وليت السعاده فرصة ٍ وأغتنمها
وليت الهنوف اللي تسوق المشاريه = على ظروف ٍ ربها اللي قسمها
ترحم خفوق ٍ فيه ماهو مكفيه = من قبل تومي به .. وتركز علمها
الله عطاها الملح والحسن والتيه = متكامله .. من راسها لاقدمها
تميت قلب اللي عشقها وتحييه = وتتجمد الكلمات في ( ثلج فمها )
الليا أسألتني كيف مات الهوى و وليه = حديثها يرسم معالم ندمها
قمت أتشتت قبل ماأقول لبيه = بين العطور اللي تجي مع نسمها
قلت الهوى مامات لو مات راعيه = قصايده .. من نور وجهك نظمها
كم له وهو يرسم خيالك ويمحيه = ولاهاضت أشواقه بجوفه كتمها
الناس ماتدري عن القلب وش فيه = والنظرة .. تمر الفطن مافهمها
أدرا عليك من الخبول المسافيه = اللي تبيع بلامقابل .. ذممها
يقرون بعيوني كلام كتبتيه = قصة وفا ليل الموادع رسمها
(( أنا أبيك وطاري البعد ما أبيه = مشاعري ماغيرك أحد ٍ حكمها )) [/poem]
.
.
منصور الحربي ( مغترب )
18/6/2007م[/align]
