هذا ما يريده المدرب بيريرا بالتحديد

المدرب جاب موسورو طلع مقلب. بعدها جاب سوك طلع نكبة النكبات. والادارة الموقرة ما تابو من استقطاباته المضروبه واعطوه الصلاحية في استقطاب المحترف الثالث أي غباء هذا يا ادارتنا الموقرة. ما كفاكم اثنين محترقين مضروبين. طبعا المدرب واصل هوايته المفضلة في جلب اللاعبين المنتهييييييين وكملهم بلويس ليال وما ادراك ما ليال.
ايش يبغى ذا المدرب ياناس .
ابسألكم يا اخوان ايش رأيكم في تدخلات المدرب وتغييراته في المباريات. صراحة تغييرات تخليك تفقد الثقة في المدرب وقدراته.
كل مرة نحاول نقنع انفسنا بذا المدرب وبانجازاته وبفكره بس اللي جالس يسويه هذا المدرب يدل على انه مدرب اقل من عادي .
الحين يطلع لك كم واحد من الجماهير اللي ما يقبلون اي كلمه انتقاد للمدرب ويقولون مندس او طفل. اقنعونا بالايجابيات اللي سواها هذا المدرب اذا تشوفون غير اللي نشوفه في المدرب.