العقل والقلب إخوانية خاصة
عندما يكون لك من
الأصدقاء من يعينك على
نفسك وعلى غيرك بكلمة حق
وبنصيحة صدق فلابد أن يمثلون لديك
شيئاً ثميناً وهذا محتوى قصيدتي فقد مثل
لي صديقين قلبي وعقلي فدارت بيني وبينهم
هذه المناجاة شعراً واصبحت إخوانية بيني وبين أحدهم
حيث رد علي بقصيدة أوردها لكم مع قصيدتي ليكتمل العقد .
العقل والقلب
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عاتبت عقلي واثر عقلي قاسي =وناجيت قلبي واثر قلبي ناسي
العقل ما طاوع جميع افكاري= والقلب صار ببعضها محتاسي
يا عقل قلي وش سبب قسواتك= من قسوتك يا عقل صدع راسي
ويا قلب ليش تزايدت نبضاتك =وأنا أعتبرتك نوري ونبراسي
العقل قال المشكلة هقواتك =اللي جبلها في حياتك راسي
والقلب قال العيب في مجهودك= اللي تبيه بجودة ٍ وقياسي
قلت اسمعوا نصيحة ٍ مدروسه = أنتم عناويني وعطر أنفاسي
تعاونوا معي على دروب الشيمه= لا طيح فيما بينكم متواسي
عيشوا معي على نضوج الفكره= وطاوعوا ذوقي وصدق إحساسي
ولا تتركوني سابحٍ في غيي = الغي فتنه والخطأ مقباسي
والنار تقدح من شرارٍ باهت = والحقد مثل السوس بالأضراسي
أنا أنتوي توظيفكم للحكمة= الحكمه أمضى من شديد الباس
يا قلب يا عقل اتركوا لي فرصه =ماني بضارب هامتي بالفاس
عاهدتكم على جمال الخوه= وانتم ذهب عمري ومعدن ماسي
قالوا سمعنا لك أطعنا أمرك =وحنا على ذوقك من الحراس
قلت أتفقنا وابتدينا نبني= وصاروا لي الدرع الوقي ولباسي
اثنين هم عقلي ونبضة قلبي =القرني وعبدالعالي أغلا الناس
برايهم أخذ وأنا متهني = وبوجودهم يطيب لي مجلاسي [/poem]
سعيد الغامدي
وهذه قصيدة صديقي العزيز سعيد ناصر القرني
( أبو ناصر )
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سر يا قلم واكتب على القرطاس=دمي مدادك والهجوس انفاسي
جاني كتابٍ من عزيزٍ غالي = فيه العلاج لصاحب الوسواس ِ
الحق يرضي كل من دور له = ما يزعج إلا الخادع الخناسي
العقل له نفسٍ تحد أطماعه = والنفس بالعقل الرزين تساسي
إذا اتفق عقل الفتى مع روحه= يصير فكره ناضجٍ باحساسي
والفكر لا جا خالي ٍ من حسه=مثل الجسد لا فاضت الأنفاسي
والحس من دون الفكر ما يسوى= مثل الورود أللي على الكراسي
هني من يجمع شتات أحساسه = إلين يصبح عاقلٍ حساسي
مارست بالدنيا ولي تجريبي = وابني كلامي فوق عز الساسي
من شاد له في قلب غيره فله = يلقى مكانه تاج فوق الراسي
واللي يدور للرضا يتعب له = ولا اعتقد يرضي جميع الناس ِ
بالناس عاقل يدفعك للعليا= وفيهم جهولٍ ماله النوماسي
وفيهم هبيلٍ لا يغرك هرجه = عاري ولو كان التحف بلباسي
وفيهم ردي يضحك بوجهك دايم = وإن رحت قطع سيرتك بامواسي
أنا لعينك لا بغيت اشواري =وأنا حزامك بالندى والباسي
إن شفت منك الحق قلت أبشر بي =أساعدك واصبر معك واقاسي
وإن شفت تقصير ٍ وكل إبن أدم = يجهل ويخطي وإبن أدم ناسي
قلت أنتبه ترى الخطا قدامك = أبعد عنه قدام ما تنحاسي
أحسنت فينا الظن والله يغفر = ذنبي وذنبك يوم جمع الناس ِ [/poem]
تقبلوا تحياتي
أخوكم
سعيد الغامدي
