عتيبي يخطب رغد صدام ( منقوله )
تمت مساء يوم الإربعاء الماضي خطبة الشاعر السعودي منــــصور الشيباني العتيبي ( منصور الغـــازي )على رغد بنت صدام حسين ابنة الرئيس العراقي الراحل , وقد استطاع الشاعر الوصول إلى ابنة الــــرئيس وخطبتها بشكل رسمي عبر قصيدة مطولة شرح فيها رغبته الحقيقية في الارتباط بها غير آبه بما حــوله من ظروف سياسية أو قبيلية على حد تعبيره , وقد استعان الشاعر بعلاقته الشخصية مع أحدى سيـدات الأعمال العراقيات ( شاعرة ) ليوصل لها رسالته والتي قامت الشاعرة العراقية بإيصالها إلى ابنة الرئيس العراقي في محل اقامتها في الاردن , وقد ذكر الشاعر في قصيدته مآثر والدها الرئيس صدام حســــين وما كان يتميز به من شجاعة وإقدام وانه كان رمزاً من رموز العرب الأبطال وهو مادعاه إلى الاقدام على خطبتها , وقد أشار الشاعر في قصيدته إلى موقف رغد من اعدام والدها حيث كانت قمة في الشجاعـة والثقة وتمالك النفس وهو من الأسباب التي دعته إلى طلب الإرتباط بها بشكل جدي , إلى ذلك ابدت ابنة
الرئيس الراحل ارتياحها لموضوع القصيدة وردت في تعليقها على موضوع الخطبة أن الرجل الشجاع مطلب كل فتاة واكتف بهذا التعليق , في حين قال مقربون من أوساط القضية في الاردن أن رغد صدام حسيـن وافقت مبدئياً عل الزواج من الشاعر .
وهنا نص القصيدة التي قالها الشاعر كما حصلت عليها كامله
[poem=font="Simplified Arabic,4,indigo,normal,normal" bkcolor="transparent" bkimage="" border="double,5,purple" type=0 line=0 align=center use=ex num="0,black"]
ألا وهني من ثبت على صدره رغـد صـدام = خذاهـا بالحـلال و سنـة التوحيـد وكتابه
خذاها مبهم الغايـة خذاهـا مابـلاه اعـلام = خذاها منفردا بطيب اعروق الساس ونسابـه
خذاها بنت ذاك اللي رفع رأس العرب بوسام = خذاها مهرة تصهل وبنـت حصـان يغزا بـه
خذاها ما ثنى رجله يسـوق الخطـوة القـدام = تقدم يوم قالت تم ايمـوت ايعيـش يحيا بـه
وانا اللي مستعد اقدم لو ازعل معظم الحكام = أسوق الها المهر لو رأس تون ابلير ترضابه
مبي غيره ولو قالو عليك امن البنات ازحام = مبيهن لو بهن زين و بنات شيوخ من لابـه
ابي رغد هاذيك اللي اتشاهد لحظة الإعدام = تبسم يوم أبوها يقدم للمـوت ما هابـه
تبادله العياد ابلحظه الموقـف يجيـه الهـام = تبادله الوداع أبصوت تفخـر يـوم تبدابـه
اتقول افـداك يا يابه يا بو عـدي يالمقـدام = عليك البيض ياالصامد بدون اقناع واعصابه
عشت بين العرب حاكم متت يا والدي عـزام = عسى ها الكون لك فدوه جميع الناس واحزابه
قويه باس من باس تلازمه الشموخ إلزام = عليها من نعاطيسه كـرات الـدم تسعابـه
أبيها وأفصح الغاية لابي سمعـه ولا هنـدام = ولا يلزم جمال ولا عليهـا اقصـور جذابـه
ابي منها ثلاثه بس وكل اغلام يفوق اغـلام = ابي من جدهم حنكه ومنـي هيبـة اعتابـه
ابي في حضنها يرقد حفيـد المعجـزة وينـام = وابي عن جده اتسولف قبل مينـام يسهابـه
ابيه ان نام يحلم به و تكثـر زخـة الاحـلام = وشوف الصبح في طبعه ردود افعال تشابـه
ابي يكبر على ذكره و يتبـع سيرتـه بحكـام = ابي نفس الشجاع اللي سعيد الغرب بغيابـه
ابيهم للعروبه في ردي الموقف سند وحـزام = ابيهم بفطمون اللـي علينـا كشـر انيابـه
بوصيهم ثلاثتهـم سياسـة جدهـم صـدام = ابحق الغراب لو مابه خيانـه جـذت اطنابـه
ابا الاول يحوف الكم سلالة بـوش والاقـزام = يذكرهم حصاد ارواح اهل تكريـت واقرابـه
ابيه اليا انتخت بغداد انا خت الفارس الجـزام = يقول ايو الله اختي لعنبو من يرخص اترابـه
يهز ابسيفه الكرسي يتـل اموسقـه بحطـام = يقول انه خلف جدي وانا اللي منكـم اولابـه
تمركز واسمه الحاكم على الطاعه ولد خصام = يرد الدار عقب العـار علـم بغـداد علا بـه
يجدد بالوفا عهد علاقه بين شـرق و شـام = عضيد الجار له مقدار حريص الذيب لذيابـه
عزيز للعرب عزه حشيـم لا لفـوه احشـام = عقوبه للعميل ايمـوت سـم الـداب في دابـه
وبا الثاني فتى الاقصى يعوض ماخذاه اعـوام = تصيح اعلى المـأذن بالله اكبـر لاتمثنا بـه
يشب النار فوق النار و يدفن با لنحور اسهـام = يحط الرعب بقلوب اليهـود ويقفـل ابوابـه
ابي صدر العرب يطوي مسافه عاشها منصام = ابيه ايفوز بالتحرير و نصر القـدس يهنا بـه
و با الثالث تحت يمنى مليكي خـادم الاسـلام = عظيم الامـه القايـد ابو متعـب فخرنا بـه
هذاك اللي ليا حامت اخصومه دون دارة حام = كفخ صقر العروبه دون شعبه يفتل اشنابـه
ليا بادر يعبر عن قراره فـي رؤوس اقـلام = يكفي هيبته جالس و كلن يحسـب احسابـه
و انا في حب ابو عابد حرم اني اهيـم هيـام = اقبل صورته و اطلق حفظـه اللـة لحبابـه
ابيه أيكون له خادم تحت امره رفيـع الهـام = ايقبل كفـه اليمنـى اوامـر سـم و مجابـه
ابي يحرص على شوفه يحط الزام عقب الزام = ابيه يصير لو ربع الزعيـم اللـي يحفوا بـه
و هاذي منتهى الغايه ولاكن قبل اقول اختـام = ابرسـل خـط برقيـه يعـد اللـي نوينا بـه
بدزه عاجل و سري عليه من اليميـن ارقـام = بيانه جمله تبغا الستيمه يمسـك اعصابـه
بجي يا عاهل الاردن تحرانـي خـلال ايـام = نسوق لك المواتر من جنـوب الـدار خطابـه
تحراني عسى ربي يجنبنـي حبـر و ابهـام = اما اني جيتكم طالب أونـي ضعـت بطلابـه[/poem]
وانا اقول ان ما خذها الشيباني خطبناها ل / محمد بن ذاكر الروقي
