تحصين نظير السُل( مرض يونز )
اغنام - ابل - دواجن - طيور
نظرا لعدم قدرتي على التواصل على رسائل الخاص لان المنتدى يشترط ع الاقل خمسين مشاركه حتى اتمكن من الرد على رسائل الخاص فكان لابد لي من اعلام اخي السائل ع العام لربما يقرأ ردي
مع شديد اعتذاري لـه..
رداً على رساله ع الخاص من اخي مايهاب يسأل فيها
اقتباس:
المشاركة الأصلية كتبت بواسطة مـــايهاب
السلام عليكم
اين اجد يادكتور تطعيمة نظير السل لاني مليت من هذا المرض في الغنم
---------------------
عليكم السلام دكتورنا مايهاب
بالنسبه لنظير السل فبدايةً لازم تتأكد ان القطيع عندك مصاب بالمرض دا لان نظير السل مرض واجب التبليغ عنه في المنطقه المصابه لانه مرض معدي خطير و تشخيصه مش امر سهل او هين لانه بيحتاج طرق تشخيصيه معمليه معينه اشهرها اختبار اليونين و بعديه اختبار الفات FAT flurescent antibody test و لازم تعمل الاختبار الاول ولوطلعت النتيجه سلبيه لا تعتمدها لانك بعدها بتلات شهور تكرر الاختبار و لو طلعت سلبيه بيتم التاكد من ان القطيع فعلا مصاب بمرض يونز ولو النتيجه طلعت ايجابيه بيتم تكرار الاختبار ايضا للتاكد من صة ايجابية النتيجه عشان كدا باستغرب من تشخيص اليونز دون اي حوصات خصوصا انه اعراضه غير محدده له يعني مجرد اسهالات متقطعه على فترات و هزال للغنم و اختناق في التنفس لفتره و ضعف عام لحد ما الغنمه تموت م الهزال ودا بيتشابه مع الاصابه الشديده بالديدان لكن على كل حال اخي انا ليه لفت نظر حضرتك لضرورة التشخيص المعملي ؟؟!!
لانك لو حصلت على نتايج ايجابيه بيكون التبليغ عام للمحافظه او للمدينه اللي انت فيها و بيتم حظر المنطقه المحيطه بيها لدرجة اننا في كل الحالات اللي زي دي بنقفل حظاير العلف لمده لا تقل عن ثلاث سنوات لامكانة حملها للميكروب المسبب .. و نتيجه لثبوت هذا المرض لا قدر الله عند اي احد..بيتم اعتماد التحصين له.. اللي للأسف مش موجود و يكاد يكون منسي...ودا شي خطير جدا فكرة اهمال الامراض المستعصيه على اساس استحالة عودتها مره ثانيه فانك على سبيل المثال لا تجد جدولا ارشاديا او تحصينيا واحدا يشمل السل او الطاعون او حتى الجدري !!
ما عليك سوى ان تثبت ان قطيعك مصاب بهذا المرض الخبيث و عليها تتحرك دولتك لتعويضك او لتحصين اغنامك اما الحصول على التحصين بشكل تجاري فشيء لم أره ...للأسف ..
تحياتي لشخصكم الكريمـ
تنبيه* ممكن تسأل عن تحصين الـ BCG وهو تحصين السل العادي في حالة عدم توفر تحصين نظير السل في الوحده البيطريه التابعه لمحافظتك فهو لا يخلو من الفائده حتى في مرض نظير السل..*
jpwdk k/dv hgsEg( lvq d,k. )
