ادب وبعدين معاك..

جرّبت كل السبل والطرْق
مافاد بك لين .. وسياسه
بيديك حرّقت قلبي حرْق
والمر جرعتني كاسه
انوح كنّي حزين الورْق
وباسبابك الحال محتاسه
محتلّ بي كلّ نبض وعرْق
والقلب ينزف لك احساسه
طرقت قلبي بزينك طرْق
ونظرات للروح عسّاسه
بينك وبين الخلايق فرْق
وش جاب قصدير للماسه
حريف في حرفة السرْق
اليا غشى رمشك انعاسه
ويجهر بخدّك وميض البرْق
وطرفك علي طاغياً باسه
فيك اجتمع كلّ سحر الشرْق
نسناسة الورد .. وانفاسه
وصلّتني لآخر حدود الغرْق
وحال الخطر دقّت أجراسه
وجربت كل السبل والطرْق
مافادبك لين .. وسياسه