سبب الهزيمة ثلاثه فقط

السلام عليكم

هاردلك الخسارة والاهلي كان الاحق بالفوز لانه قدم كل مايملك من قوة بينما الاتحاد حاول واجتهد لاكن مع نص الشوط الثاني تأخر كثيرا



المهم من رأيي سبب الهزيمة ثلاثه لعيبة وهم
ابو سبعان
فهد المولد
ديجو ارماندو فلاته


ونبدأ ب ابو سبعان
عدم مساندة الوحش جمال باجندوح وعدم التغطية الخلفيه رغم انه يعتبر محور لاكن ما اعتقد خلص كورة وحده او عرقل هجمة وحده للاهلي
وكل همه انه يمرر بشكل خطير او باص عيون
( صدق نفسه يوم قالوا خليفة نور ( بدري بدري نور يحترم جمهوره واخلص للشعار والفريق واحترم الجمهور



فهد المولد
رغم انه حاول واجتهد مع نهاية الشوط الثاني
الا انه ضيع مجهودات البقية بانطلاقات واصطدامات في لعيبة الخصم
من الممكن انه يلعب احسن من كذا لاكن يحتاج دكتور نفسي خاص يفتح عقله شويه
ومن رأيي فهد احتياط مميز اذا نزل الدقيقه 70 وفوق




والحين نجي للنجم الصاروخ الخارق مادري وش اسميه مختار والا ماردونا
قتل مجهو الفريق وارهق الدفاع بسبب عدم تأخر الكورة معانا لانه مجرد ما يجري معاه دفاع الخصم خلاص الكورة يعني انتهت او مجرد مايستلم الكورة خارج المنطقة اقسم بالله اراهن على انها خلاص ضاعت لان كل تمريراته خاطئة ولا مهاره يخترق ولا سرعه يجري
لاعب اقل من عادي مع احترامي له
ولا اذكر هدف سجله وهو كان مستلم الكورة من خارج المنطقه كلها داخل المنطقه ومقشرة 13 هدف
منها 4 ضد الشباب وكان في يومه والحظ ساعده لان وسط الشباب انكشف وابدع مع ابداع الوسط واي لاعب اتوقع لو كان مكانه كان عمل مثله او اكثر
واتوقع سته اهداف بلنتيات
الحين صاروا 10 اهداف
وثلاثه اهداف اتوقع ضد نجران والتعاون والهلال
خلاص هذي هي ال 13 هدف اللي هو سجلها ؟؟؟؟













اقسم بالله حرام ابو سبفان اساسي وليوناردو احتياط
ليوناردو تمريراته حاسمه ويركب فاولات كم فاول اليوم كان خطير لاكن المتعالي على جمهوره والفريق ابو سبعان ماخلاها لاحد وبالاخير يشوت في الحارس او الحائط




والا اكثر من هذا الشيء يقهرك ان سلمان الصبياني صاحب احسن كنترول ومهاره وانطلاق وتمرير وتمركز يكون احتياط وبينما مختار اللي عكسه بكل شيء اساسي

الى متى مصدقين المقالب هذي والله ما يقوم فريقنا وفيه لعيبه متعاليه على الفريق ولعيبه معتمده على الحظ والتمثيل




انا ما الوم الدفاع لان ماشفنا الوسط يساندون الاظهره ولا شفنا غير جمال يسلند القلوب
لاكن عتبي على باسم المنتشري يعتمد على التغطيه مو على الضغط لازم ياباسم انت اللي تتجرأ وتهاجم الخصم مو تتراجع وتعطيه مساحه للتفكير انت اللي المفروض ماتعطيه فرصه يفكر على طول ادخل عليه
والشيء الثاني الهجوم معطين الخصم كل الاريحيه وغير مضغوطين ابدا
ودفاعنا صبر وصبر وانفجر شيء طبيعي اللي صار في ضل سبات الهجوم



كفاكم مجامله الكيان اهم من اللعيبه