أنا ليا ضاقت عليه توسعت --- يفرج لي اللي ما تعدد فضايله

اغنام - ابل - دواجن - طيور

أنا ليا ضاقت عليه توسعت --- يفرج لي اللي ما تعدد فضايله


الشاعر الشيخ حجرف الذويبي من أبرز شعراء قبيلة حرب.. ويعد من أهم وأبرز الشعراء الشعبيين على الرغم من قلة أشعاره والتي لم يصل منها سوى هذه القصيدة التي حفظها الرواة، وقد اشتهر منها هذا البيت يرزقني رزاق الحيايا بجحرها --- لا طالعت برقٍ ولا هي مخايله
وسبب نظم الذويبي هذه الابيات من لامه على الإسراف في الكرم، وثنيه عن ذلك فهو يعد من أجمل الأشعار لما يحتويه من معان في غاية الجمال، وقوة الإيمان، وبلاغة الحكمة، وكبر التجربة. وفي سنه من السنين قضى على اللي عنده كله من زود الكرم والطيب وربعه تضايقوا منه كل سنه يقضي على حلاله كله فقرروا انهم يتركونه بالمنزل اللي هم نازلينه ولا يعاونونه مثل العاده لعله يجوز عن فعايله وهم طبعا ناوين النيه انهم يرجعون عليه بالليل ويعطونه بعض الابل لسبب انه يشيل بيته واغراضه عليهم
ولكن الطبع يغلب على التطبع وحجرف معروف مهوب بتارك طبعه ويوم شد ربعه ورحلوعنه قامت زوجة حجرف الذويبي تلومه على سواته وكرمه الزايد وتقوله شف ربعك وجماعتك وش سواتهم بك لكن الشيخ حجرف متيقن بالله وان رب العباد ما يخلي عبده فطلع يتمشى بعيد عن منازل القوم
وهو يتفكر بحاله شاف له داب عمى بوسط شجرة وكان هالداب هذا كل ماوقع على الشجرة طير فتح اثمه فالطير يحسبه فرع من فروع هالشجرة فيطير عليه واذا وقع عليه اكله وعلى هالحال ويوم جاء مسيان وقع طير ثاني على الشجرة والداب مثل سواته بالمرة الاولى وحجرف جالس يتابعه شافه بالمرة الاولى وشافه الثانيه فعرف ان هذا رزق من الله لهالداب العمى وقال... اللي يرزق الداب العمى ماهوب بيتركني
والله وصدق توقع الشيخ حجرف وضنه برب العباد... الله ما تركه وجاب له رزقه ... وهو راجع الشيخ لم بيته ويمر على الماء اللي هم نازلين عنده وهو اللي يشوف ذود ابل وخير كثير ضايعه من قوم وهو اللي يسقيه وياخذه وكان من ضمن هالذود خلفات ومسح وزمل خير ما يعلمه الا الله
ويوم انه اصبح وهو اللي يسوق الابل و يشد ورا جماعته ويلحقهم

يقول أبن عياد وإن بات ساهر --- ماني ولد خبلٍ همومه تشايله

ماني بمسكينٍ ليا قل مرزقه --- ضيق بريعه يوم قلت محايله

أنا ليا ضاقت عليه توسعت --- يفرج لي اللي ما تعدد فضايله

يرزقني رزاق الحيايا بجحرها --- لا طالعت برقٍ.. ولا هي مخايله

ما حدرت زملٍ نصي صوب قريه --- ولا وردت عدن قراحٍ ثمايله

ترى رزق غيري يا ملا ماينولني --- ورزقي يجي لو كل حياً يحايله

جميع ما حشنا ندور به الثنا --- وما راح منا عاضانا اللّه بدايله

نوبٍ نحوش الفود من ديرة العداء --- ونعوض اللي ذاهباتٍ عدا يله

خزن بالايدي ما دفعنا به الثمن --- ثمنها الدما بمطارد الخيل سايله

مع لابةٍ فرسان نطاحة العدا --- كم طامعٍ جانا وأخذنا زمايله





المصدر: منـتـديات أغـــنـام - من قسم: الــمــنــتـــــدى الـــعـــــــــــام

Hkh gdh qhrj ugdi j,suj --- dtv[ gd hggd lh ju]] tqhdgi