-
يامترفه ..!!
[align=center].
.
السلام عليكم ورحمة الله وبركاته ،،
بعد غياب .. لظروف خاصه
أعود لكم وبكل خجل بهذه البسيطه التي اتمنى أن تنال على رضاكم ،،
بعد نشرها في مجلة ( المها ) لهذه الشهر والشكر موصول لمعد الملف الشاعر خالد الدغيلبي
يامترفه ..!!
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
عقب السعاده والهنا تعالـي شوفـي حالتـي=نفسي غدت في صدتك نفـسٍ حزينـه عايفـه
كل الوجيه اللي تمر علـى طريقـي وحارتـي=وكل الحروف اللي غدّت بعدك حروفٍ زايفـه
يامترفه وش عاد بي بعدك انـا فـي ذمتـي=شايف مماتي وانا حيّ وانتي ولاأنتي شايفـه.!
في صدتك تاه الفكـر ماعـاد أرفـع رأيتـي=مد الحزن .. بعد البُعـد ..يامترفـه شفايفـه
تدرين أنـك يالغـلا عطـر الحيـاه ودنيتـي=وتدريـن بأنـك داخلـي الشامخـه النايفـه
وتدرين بأنك رأيـة الحـب العفيـف ومنيتـي=وتدرين بأنك سالفة عشـق الليـال الكايفـه
يعني كذا .. وإلأ كذا ..انتي غـلاي وغايتـي=وانتي منـات الطايفـي اللـي تمنـى طايفـه
أخاف قلبـي لاقسـى ونويـت أبّـرد حرتـي=تجين ودكّ بالعـذر ..كلـك مآسـي خايفـه
وأرجع وأقول إني بعد صـدّك أمانـه أنصتـي=( طول الليالي انتظر.. وشفيك منتـي رايفـه)
أقـدر اعانـد وابتعـد لكـنّ ماهـي عادتـي=أطيع قلبي وأهجرّك والطيـب عنـدي ضايفـه
أنا الذي دائم علـى وضـح النقـا يامهجتـي=أنوي ولكـن نيتـي .. متهاديـه.. متكايفـه
اموت فيك وأعشقّـك لنـك بـلادي ودولتـي=لا..لا تخلين البشـر مـن صدتّـك متعايفـه
يامترفه وش عاد بي بعدك انـا فـي ذمتـي=شايف مماتي وانا حيّ وانتي ولاانتي شايفه..!! [/poem]
وسلامتكم جميع ،،
.
.[/align]
-
ياسلام .. ياسلام
قصيدة ولا اروع يالعطاوي
هذي تشفع للغياب صدقني :)
ولله درك على هالقافية الصعبة ياصعب
تقبل صادق التحايا
اخوك
فيصل العتيبي
-
أقـدر اعانـد وابتعـد لكـنّ ماهـي عادتـي
أطيع قلبي وأهجرّك والطيـب عنـدي ضايفـه
أنا الذي دائم علـى وضـح النقـا يامهجتـي
أنـوي ولكـن نيتـي .. متهاديـه.. متكايفـه
اموت فيـك وأعشقّـك لنـك بـلادي ودولتـي
لا..لا تخليـن البشـر مـن صدتّـك متعايفـه
عودا حميدا شاعرنا ...
رائعة تختال بحس مرهف تحاكي الغمام سموا وشموخا ...
سلمت ودمت للأعذب
-
[align=center].
.
قسم بالله إن ردك وصورتك تطيّب الخاطر
شكرآ لك يابرنس
.
.[/align]
-
أخاف قلبـي لاقسـى ونويـت أبّـرد حرتـي
تجين ودكّ بالعـذر ..كلـك مآسـي خايفـه
ابومازن
تغيب وتبقى بالقلب
صح قلبك وكلك
وسلمت اناملك
وننتظر جديدك وتواصلك
تحيتي لك
-
ابوماازن
انت وين تغطس .. تأخذ لك غططططططه ..
يبيلي .. اشدد عليك المتابعه ..
اما القصيده مايحتاج .. تذكرة مرورها اسم شاعرها
صح لساااانك
ولاهنتتتتتتتتتتتت
الناااايف
-
الشاعر عبدالرحمن العطاوي صح لسانك
قصيده رائعه
سلم فكرك وبوحك ودمت شاعر غرابيل
مع تحياتي
-
ياهلا وغلا
حي الله
الاخو العزيز الغالي
أبو مازن
عدت والعود أحمد
بهالقصيدة الكايفة
صح لسانك ملايين
والله يوفقك في مسيرتك الشعرية
والى الامام ياشاعرنا المتميز
لاخلا ولاعدم
-
مساءك سكر :
.
.
يالله حي ابو مازن :
وقصيدة كايفه ..وبعدين إنتبه من ابو نوف ...!!
ترى عليه رقابة تخوف ... والله ماكأنه الا تفاريس ..!!
.
.
تحياتي ابو مازن ..
-
،
،
قصيدة و لا اروع
صح لسانك بعدد حبات المطر
عودا حميدا والحمد لله على السلامة
تقبل ودي
،
،
،
-
أخوي الراقي عبدالرحمن بن مازن العطاوي
سلمت ودمت ولا هنت والحمد لله على السلامه
صح لسانك وبيض الله وجهك
رايعه ووافي من وافي وتستحق النشر ويتشرف بنشر قصائدك أي مطبوعه
لك فائق احترامي وتقديري
-
الراااااااااااااااااااااق ي
عبد الرحمن مازن العطاوي
متــــــــــرفه هذه القصيده
واكثر من رااااااااائعه
اشرق المنتدى بعودتك يابو مازن
والله لك وحشه وفرااااااغ كبير
صح لسااااانك ولا خلا ولا عدم
-
الاّ ترفع راسك ياالعطاوي بهذا القصيدة
والله يصح لسانك ويعلي شانك
دمت بود
-
.
.
.
عبدالرحمن بن مازن العطاوي
صح لسانك وقلبك وكلك
عدد بلاااا مدد
قصيدة جميلة ورائعة
ابدعت
يعطيك الف عافية
تحيتي لكـ
.
-
عبد الرحمن مازن العطاوي
الله يحييك والحمد لله على السلامه
وانت هنا اكدت على المثل القائل من طول الغيبات جاب الغنايم
جيتنا بروعه الشعر العذب
لله درك
يامترفه وش عاد بي بعدك انـا فـي ذمتـي
شايف مماتي وانا حيّ وانتي ولاانتي شايفه..!!
هذه والله المشكله يالعطاوي الله يعين العاشقين
تقبل مروري
