الهرش المنتج ومعروف في شبه الجزيزة (هدلان)
اغنام - ابل - دواجن - طيور
اتعبوا للهيـل الأصلـي وأبـو شيبـه وعـود
ومن تعـب للزيـن فـاد وتنومـس واستـفـاد
والفـحـول الطيـبـه مــال لقيمتـهـا حــدود
اشهد إن بـعـض البعـاريـن كـفـو للهداد
وأشهـد انـه رابـح مـن دفـع فـيـه النـقـود
الفحل مــن بـعـد ربــي علـيـه الاعتـمـاد
يرفـع الابـل مثلمـا يرفـع البـيـت العـمـود
قبل زيـنـه دور أصـلـه وعلـيـه الاجتـهـاد
أن قــدرت شــراه فــلا تـقـول الـحــد زاد
وان رفض راعيه فاشتر من انتاجه قعود
والـسـلام خـتـام والبـيـت مـــاودك يـعــاد
كون في مبـدا القصيـده يقولـون محمـود
السلام عليكم ورحمه الله وبركاته
نعرض لكم فحل هرش مجهم منتج انتاج كفوو وله صولات وجولات في ميادين المزاينات
اصل الفحل صخيبري وابوة من سلاله الامير: سلطان بن محمد الكبير
والفحل قد سيم بمبالغ عاليه جدا جدا وطلع في عدة قنوات ومجلات باسم الفحل ( هدلان)
اما الانتاج مابه كلام
بعت عليه حوار. ع حشر السبيعي ب 150 الف طراح وقالو وصل عندة بالملاين وشارك بالضفرة
وقد باعو عليه ناس ضربو بمبالغ عاليه
اما اللي عندي الان عليه قعود ثني مسيوم ب 250 الف واغلبكم عارفه ولله الحمد وبعت عليه بكرة ب 26 الف وبعت عليه حوارة طراح ب 12 الف عمرها ماتمت اسبوعين وعند فرحان الضويفري قعود عليه مليون و ميه وخمسون وبيع عليه قعود لقي باربع مية الف
وهالسنه ولدن عليه اربع وكلهن بكار كفوو
وهالسنه عشرن عليه 5 ولله الحمد
والفحل ضرابه طيب. وفيه ذيبه
سوف نعرض لكم. صور له وصور انتاجه وفديوهات لهن
السوم: ماسيم. وافتحو بابة
الموقع : بالشمال يم تربه حايل
البعير سلم ع. جميع الشرووط الا فيه ذيبه فقط لاغير
ملاحضه: النقل والسعي على المشتري
0551115971
hgiva hglkj[ ,luv,t td afi hg[.d.m (i]ghk)
