انا اشهد انّ الفقر راعي جميلة ؟؟ أبو راجس الدوسري
السلام عليكم ورحمة الله وبركاته
أنقطع عنكم طويلا ولكني آتيكم بحجم تقصيري وانقطاعي شوقا للقياكم ورغبة جامحة في التواصل معكم
مشرفون وأعضاء لكم جزيل الشكر والامتنان
يشرفني قراءتكم لمحاولاتي الشعرية المتواضعة فتخصصي في الفصيح وما دخولي في النبطي إلا تطفلا على أباطرته وقائدي دفة الإبداع فيه
..........................................
[poem=font="Simplified Arabic,4,black,normal,normal" bkcolor="white" bkimage="" border="double,2,chocolate" type=2 line=0 align=center use=ex num="0,black"]
انا اشهد ان الفقر راعي جميلة=يكسر جناح (ن) ما لجبره صلاحي
كم من فقير(ن) راس ماله شليله=لو اغتنى ضيّق وسيع البراحي
يشيل حمل(ن) عجْـز غيره يشيله=وصدره وزى به كل سم (ن) ذحاحي
متكبر (ن) والفقر يرعى بحيله=وش لون لو ريّش وجا له جناحي
الله يقطع جورته واللهي له=والله لا يسّيه بايّة نواحي
الطبع يغلب والتطبّع مخيلة=ما غرّنا برق(ن) على الافق لاحي
والذيخ لا منـْه التوى راس ذيله=ما ينعدل ما دام صوته نباحي
الزود نقص(ن) والتواضع فضيلة=وما ينقل الزّومة بعيد المشاحي
لا خير في مال(ن) يعوّد فشيلة=ولا خير في كفّ(ن) بليّا مناحي
المال في الدنيا مجرّد وسيله=والذِّكر ما يمحاه في الناس ماحي
وهرج الملا مثل السيوف الصقيلة=هنيّ من هو من غثاه استراحي
الله لا يغني النفوس الثقيلة=والله لا يملا الكفوف الشحاحي
انا اشهد ان الكبر راس الرذيلة=وانا اشهد ان الخلق باب الفلاحي
وانا اشهد ان الفقر راعي جميلة=يكسر جناح (ن) ما لجبره صلاحي[/poem]
محبكم
عبدالله بن راجس الخضاري الدوسري
وأشد الاعتذار عن الانقطاع
...
