نظرة سريعة على لاعبينا الاجاانب
اول شيء هارد لك مباراة اليوم رغم المستوى الكبير الي قدمنااه والي اشوفو اننا قدمنا للمباراة اكثر من الهلال لكن الكورة ما تعترف الا بالاهداف
والله اني مقهوور كثيررر على تفكير المدرب والادارة الي طيرر عليناا من افضل اللعبين الاجانب الي لعبوا في الاهلي في السنوات الاخيررة خصوصا ان الاهلي يعااني كتيررر في مسألة اللاعبين الاجانب لدرجة انوو يجيب خمسة لسبعة لاعبين اجانب في الموسم .... ولكن لمن استقريناا في اللاعبين الاجانب وكانت نقطة قوى لنا ... للاسف فرطنا فيهم واحد ورى الثاني اشوف الان اللاعبين الاجانب مالهم دور كبير في الفرق(ليل موسورو سوك) .... عندي بعض التساؤلات فقط اريد جواب منطقي يقنعني انو الي صاار هو الشيء الصحيح
اول شيء المدرب شااف انو سوك وموسيرو افضل من برونو وفكتوور
والي مستغربو انو المدرب مقتنع وبشكل كبير بموسيرو ويشوفو لاعب كبير ويسوي دوور جبار
رغما اشوف برونو افضل منوو بمراحل
في النهاية اشوف ان الاهلي يحتاج افضل من موسيرو حتى لو كان اللاعب مقبول ويمشي
لكن مو موسيرو المشكلة الكبيرةة .... اتوقع المشكلة بسووك .... والله باين من بداية الموسم في مباراة الهلال اتأكدت انو ما يستحق أي فرصة اكترر .... مني شايف منوو أي قتالية غيرر انو يطيح كثيرر من لمسات خفيفة غير قصة الاصابات الي كثرت معااه
سؤالي ليش الاهلي ما سوى مع عمااد زي ما سوى مع سوك..... كان قرار صحيح انو نتعاقد مع لاعب اخر عشان اسياا (سوك)... بس لمن انصاب سوك جبنا يونس مع الابقااء على سوك ... ليش لمن جبنا سوك ما ابقينا على عماد وفي نص الموسم تقرر الادارة يستمر سوك ولا يرجع عماد
والله اللاعب الاجنبي الكبير يباان من مبارياته الاولى ... وهدا الي صاار مع فكتور وعماد .... رغما فكتور جاء من نص الموسم ... لكن اتذكر اولى مباراة ليه كانت قدام النصر ... وراهنه عليه من ديك المباراة.... بالنسبة لاريك االلاعب الجديد والله من اول مباراة باين انوو لاعب كبيرر وعندو امكانيات كبيررة وحركااتو ممتازة .. الله يوفقو ان شاء الله ويعوضنا عن اللاعبين الي فقدناهم
في نص المباراة قاعد اتخيل لو كان اللاعبين الاجانب هماا برونو واريك و فكتور وعماد والله اتوقع الاهلي كان حالو افضل بكثيرر
انا متحسرر كثيرر على عماد وفكتور وبرونو لانو الادارة وتفكير المدرب فرط فيهم وما كان سبب رحيلهم بسبب مشاكل مع اللاعبين نفسهم
ممكن يكوون المدرب كبيرر ويقدم الكتيرر للاهلي .... بس سؤالي باي منطق يشوف انو فكتوور لاعب سيء ومحا يخدم الفريق ويفضل موسيرو وسوك عن فكتور وبرونو
هل من المنطق اني اصبرر على لاعب مصاب (فيتكور) ربع موسم ولمن يرجع العبه مباراتين واحكمه عليه انه محا يخدم الفريق .... للاسف المدرب اعطى يونس فرصة اكتر من فكتور مع العلم انو يونس كان سيء مررة .... اما فكتور ما كنت اشوفه حتى بعد ما رجع من الاصابة انه سيء للدرجة الي انو محا يخدم الفريق نهائيا .... وللاسف ما اشوف فكتور اخد الفرصة الكافية من المدرب
وانا اكتب هدا الموضوع سامع خالد شنيف يقول قارن اريك في الثلاثين دقيقة وموسيرو في 17 مباراة الي لعبهاا ... اترك الاجابة لكم
في النهااية موضوعي مالو أي هدف وممكن يضر الفريق اكترر من يفيدو لان الي راح صعب يرجع ... لكن ما كتبتو الا بسبب حسررة والم في داخلي .. واتمنى عودة الاهلي قريباا .... معليش لو كان موضوعي يزعج أي احد:rose:
والله يوفق اهلينا في باقي الموسم
