-
طراة العمر
[align=center]اخواني واخواتي اعضاء منتدي غرابيل
السلام عليكم ورحمة الله وبركاته
هذه قصيده قلتها وانا في البر كاشت
في نياق مرن علي وانا في راس رجم
وحبيت اعرضها عليكم وعسى تنول اعجابكم
وسامحون على القصور[/align]
[poem=font="Simplified Arabic,5,black,bold,italic" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]
أمس العـصــر عديت روس الطويــلات=غرب الحريق وشرق دار اقحطاني
ساقتني الاقــدار لرجــم عجــــــلات=ســوق البعـير الي يجـر السـواني
وعلى سفوح الرجــم هليت عبـــرات=وبـاح الكنين الي بصـدري كواني
واخذت ســاعه بين صحوه وغفـوات=لا وعـذاب الـقـلـب مـمـا غــشــاني
تجري بي الافكـــار عجله محيمــات=شاحن على الذكرى فراد ومثـاني
ووردن على عد الروى الغبر دركات= وسقـيتهـن من مهـجتي والمحاني
كلــه سبايب شـوف ذودن محيــــلات=مـــرن عـلــيه مـثــل مــر الـثـواني
ستين وضحـــى كلبوهــن جميـــلات=في ذمتي ما وسطـهـن لـون ثاني
يرتع غلاهن داخل القـلـب بسكــــات=وان شفتهن يزداد شـوقي وعاني
ويوم انتحـى المضهــور جريت ونات=طـرى عـلـيه ما طـرى في مكاني
طــرى عليه وقـت عـصــر المســرات=عصرن مضى محفـوظ بأول زماني
نمـشي بشف الذود في كل الاوقات=في ظل ابو غـازي طـويل اليماني
فعـلـه عـجـز يرويه راوي الــروايات=تبكــيه كـل الناس قـاصـي وداني
تكفى يابو ساره ترى القت ما فات=هـذى طـراة العمـر والعمـر فاني[/poem]
-
[poem=font="Simplified Arabic,4,sienna,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ستين وضحى كلبوهـن جميـلات = في ذمتي ما وسطهن لـون ثانـي[/poem]
ما شاء الله تبارك الله
اللهم زيد وبارك لصاحبها
،
،
الشاعر / عياد العتيبي
صح لسانك وكلك
تقبل ودي
،
،
،
،
،
-
صح لسانك وبيض الله وجهك
وانا اشهد ان الطيب واهله شي يبقى بالقلب الى الابد
سلمت يمناك وما قصرت .
-
وجدت شعراً
بكل ماتعنيه الكلمه
صح لسانك
اخووووووووووووووك
-
[align=center]
صــ لسـانك وسلم يمنــاك لا هنت ـــح
قصيـدة رائعةالله يعطيك العاااافية [/align]
-
عياد العتيبي
صح لسانك وكلك
وسلمت اناملك
جزلة ومن شاعر جزل
تحيتي لك
-
عيااااااد
الله يلوم اللي يلووووومك يالقرم
وتسلم على هالدرره
وصح لساااانك
ولاهنتتتتتتتتتتت
الناااايف
-
عياد العتيبي
صح لساااااااتك
مبدع ياعياد وراااااااقي
قصيده في قوة الجزاله والابداااااع
-
لايمك عمااااااااااااااااااااا
وصح لسااااااااااااااااانك يالجزل هذا هو القصيد الي يطرب الجاش
-
,
,
,
الرائع / عيّاد العتيبي
كله سبايب شـوف ذودن محيـلات
مـرن عليـه مثـل مـر الثوانـي
ستين وضحـى كلبوهـن جميـلات
في ذمتي ما وسطهـن لـون ثانـي
يرتع غلاهن داخل القلـب بسكـات
وان شفتهن يزداد شوقـي وعانـي
ويوم انتحى المضهور جريت ونات
طرى عليه ما طـرى فـي مكانـي
طرى عليه وقت عصـر المسـرات
عصرن مضى محفوظ بأول زمانـي
ماشاء الله ...
عذوبة وانسيابية جميلة في هذه القصيدة الرائعة
صح لسانك ونبضك ..
ولك تقديري
-
[align=center]
عياد العتيبي
ـــــــــــــــــــــــــ ــــــ
صح لسانك وقلبك
قصيدة جزيلة من جزل
تسلم يمينك
ولاتحرمنا من جديدك
ـــــــــــــــــــــــــ ــــــ
أخوكـ/خالد
[/align]
