صارلي 4 شهور وانا متزوجه وللحين انا بنت #مشكلتي

السلام عليكم

شلونكم بنات شخباركم


بنات والله مالي غيركم قاعده اكتب هالموضوع وانا ابجي

مشكلتي حيل تعبتني

انا صارلي 4 شهور متزوجه وللحين انا بنت

طبعا كل بنت طبيعي ردت فعلها بتكون لا او بصراخ او بخوف هالشي طبيعي كلكم اتوقع مريتو فيه ..

انا جذي كنت اقول لا وكنت اقول خايفه وكنت ابجي ..

واهوا من يشوفني جذي يهدني ويروح وكذا مره زعل علي ..

يوم عن يوم لين مرينا 4 شهور ويا بعض وللحين انا بنت تخيلو من ثاني اسبوع من زواجي قالي زوجي قولي حق امج ان كل شي صار وانا احنا خلصنا عشان ماتحاتي وتتضايق .. ورحت وجذبت علي امي بس عشان ابيها تستانس وقتلها ان كل شي صار ومن شهرين كل شوي امي تقولي ها حامل ؟ ها متي بتحملين ؟ وانا اساسا للحين بنت .. شي يعور القلب والله ابجي وانا اكتب والله وايد قمت اجذب علي امي واقولها انشالله عالشهر الياي وانا اساسا وين والحمل وين ..

تكفون بنات ساعدوني شنو اسوي وين اروح ابي افتك من الخوف اللي فيني ابي اخلص صج عشان ارتااح قلبي والله يعورني علي امي ...

والله ودي احمل زوجي وايذ يحب اليهال وكل ماشاف ياهل راح ركض يلعب وياه والله بنات نفسيتي تعبت بليز ساعدوني ..