ياكارفور الحال عقبك غدى ماش
بسم الله الحمن الرحيم
محاوله بسيطه اضعها بين ايديكم
وانتظر ملاحظاتكم
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ياكارفور الحال عقبك غدى ماش=واصبحت اعد نجوم عز الظهيره
ماكنت ادور غير كولا وفش فاش=عشان اتابع فلم تيته منيره
مير البلا شوفي وقف وشعري كاش=من جادل(ن) ترسم لغزو الجزيره
نظراتها تسبيك قايد ومطراش=تصميم فتنه بس كانت ستيره
ابحث وراها والعقل يابشر طاش=شعارها الخياله رغد مثيره
ماعاد افرق بين قاتوه وفلاش=هلوسة ونفجرة مخازن ذخيره
هي طربقة تركيبة القلب وهتاش=حس بدمار من الفراق بيديره
من بعدها قررت تجهيز الانعاش=وترتيب تابوت القلق والمريره
عشان اثاوي فيه مجموعة اوباش=الي تغرر بالبنات الكسيره
اشوفهم فالسوق لابس له قماش=شي(ن) مقطع شي لاخته شكيره
ياويل قلبي لو اوليه رشاش=وانسفه نسفه له تبرمج مصيره
المجتمع اصبح حكايات ونقاش=للغرب في عدت برامج شهيره
في هرجهم صرنا فقط ضحك وطماش=نكته تسليهم على ايت وتيره
ياغرب ماتدري لنا عزنا عاش=ولا نلتفت لجروح لو هي كثيره
والله لنحشركم ورى اسياج فاحواش=ونخفي معالمكم على ايات ديره
الى متى علكه بفم طاش ماطاش=متى يجي تنظيم حلقه اخيره[/poem]
