شــــــــــــــاعر الجيل !
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
من قال لك اني انا شاعر الجيل ؟=ياخي أنا شاعر على قد حالي
راضي "بشعري" ومقتنع فيه بالحيل=وقناعتي وعفويتي راس مالي
مانيب من يطرد ورا القال والقيل=ولي مركز ٍ بين الرجاجيل عالي
شفني وصلت بهمتي فوق لــ "سهيل"=واصبحت بعيون الخلايق مثالي
مايهمني حكي الرخوم المهابيل=ولو اني كذلك ماوصلت العلالي
ماجبتها بالفبركه والتماثيل=وماجبتها بالبهرجه والتعالي
شاعر وافصل جملة الشعر تفصيل=اتعب على الجزله واروم المعالي
وأختامها ماني بأنا شاعر الجيل=ياخوي انا شاعر على قد حالي
راضي بشعري ومقتنع فيه بالحيل=وقناعتي وعفويتي راس مالي
وسلامتكم [/poem]
