أعزائي شعراء هذ وشاعرات وأعضاء هذا الموقع الشامخ المنتدى المميز ((غرابيل ))
أسعد الله أوقاتكم بالمسرات ويسرني أن أقدم بين أياديكم مصافحتي الثانية
هي متواضعه ولكنها تعلم مدى رحابة صدوركم لتقبلها ..
إليكم ..إلى قلوبكم الطاهرة
[poem=font="Simplified Arabic,6,indigo,normal,normal" bkcolor="transparent" bkimage="backgrounds/8.gif" border="none,4,gray" type=0 line=0 align=center use=ex num="0,black"]
ألا يا عالمي المجهول ماظنْ ينفعك هالسّور=ترقب جيّت الواقع يحطم عالم الأسوار
ترقب شوفت عْيوني تشعّ بنشوة المنصور=أبنثر دمعة أطلالك على خد الزمن مدرار
وبنسى كلّ ما جاني .. أبجمع كلّي المنثور=وتبقى صفحة أيامك معالم في زمن جبار
من أسبابك تقمصت الضعيف اللي جبره الدور=وكنت القاسي اللي قام في توزيع هالأدوار
خذاني الدور من واقع أعرفه لعالم(ن)مغمور=وانا اللي حاول يفكك طلاسم شفرة الأسرار
ترقبت الأمل يلفي على من يجهل المستور=وانا ماينطق لساني سوى يالله ياستار
عرفت ان الأمل لا جا بيرسم بسمة المسرور=على وجه الشقي اللي دفن نفسه ورى الأعذار
واعيش العمر انا كلي أمل انه يجيني الدور=عسى دهر الشقا يصلح بعد ما أعجز العطار
تخيلت الأمل ساري وانا في عرض هالطابور=وقف يتأمل عْيوني وشاف الظلم والإصرار
رحمني ومن طرف ثوبي سحبني شافني المكسور=كأني التايه بدربي وجيت لعالم الأشرار
سألني واعترفت إني دخلته حالم(ن) مغرور=خذتني عزتي بالإثم ..ناداني وانا محتار
لمحته نور جيته كالفراشه ودّها بالنور=فقدت القدره ع التركيز هل هو نور ولاّ نار
دخلته وانكسر فيني جناح الطيب بالمحظور=تركت العز والهيبه لسيف(ن) صارم(ن) بتار
إلين انهكني ابْظلمه وانا اللي شاهد(ن)له زور=رماني في غياهب جوره اللي توّجه غدّار
ولكن رحمة الله جت تكفكف دمعة المقهور=بعد ما ذقت ويلاته عسى الله يغفر اللي صار
وفجأه اكتشفت إني اعيش بْعالم اللاشْعور=خيال وعشت بظروفه وخفف عني الأخطار
ويبقى هالخيال اللي تخيلته أمل منظور=عسى مايضعف احساسي برحمة مالك الأقدار
واذا منّه تغيّر هالوضع ماعاد به معذور=خلاص أيقنت إن الزله مابتناسب الشطار[/poem]
وسلامتكم
شعر / أحمد العبيد
