تجربتي ليزر المنطقه الحساسه + الدوكين
قوه بنات اول شي مشكلتي عن اسمرار المنطقه الحساسه ازمة كل البنات بس بالاول بحط تجربتي بالليزر لانه يتني رسايل على موضوعي الي قبله يسألون عن الطريقه والمكان والنتيجه
سويت بعيادة ياكو ابولو دقيت وحجزت موعد افحصتني الدكتوره اجنبيه مانطقت ولا كلمه مادي شنو اكتبت وطلعت
سوتلي هنديه الصراحه المكان كان نظيف و مرتب مو نفس ما سمعت انه وصخ وكله شعر
سويت جلستين البكيني والساق وبعد اسبوع بسوي الثالثه النتيجه وايد حلوه
الساق : خف الشعر من اول جلسه والحين صارلي شهر واسبوع من جلستي الثانيه ماكو الا جم شعره واحلى شي ردتلي نعومة ريلي بس النقط الحمرا والسودا شعر تحت الجلد للحين ماراحت بس خفت يمكن مع الجلسات اليايه و اول جلسه مافي عوار الجلسه الثانيه حسيت بلسعات خفيفه
البكيني : اكثر شي يتني اسأله عليه مافي عوار قوي لسعات خفيفه من اول جلسه بينت النتيجه طلع الشعر كله بس من ثامن يوم بدا يطيح لي تقريبا قبل الجلسه الثانيه 80% المنطقه مافيها شعر وبعد الجلسه الثانيه الشعر القوي اختفى نفس ماقلتكم الحين صارلي شهر و اسبوع الشعر الي طالعلي خفيف اشقر على بني وناعم حتى ما لاحظته الا قبل جم يوم مايبين ولا يضايق
وعلى فكره في بنات يقولون يطلع ريحه كلش مافي ريحه غريبه ولا صارتلي اضرار و لا احترقت انشالله بكمل عندهم لين اوصل 6 جلسات
سعر اول جلستين الساق 35 / البكيني 28 والجلسه الثالثه 30 و 25 و بعدها كل جلسه خصم دينار اتوقع
الحين بنات بقولكم تجربتي من الدوكين وابي تجاربكم
استعملت كريم الدوكين مدة 25 يوم وراح اكمل بعد جم يوم لانه الصيدليه قالتلي من 21 يوم لي 28 بس هذي مدته
سمعت يقولون الي المنطقه واصله لي السواد تستخدم خلطة الرتن ايه مع الدوكين وجم سغله واللون البني تستخدم بس الدوكين
مادري ليش المنطقه مافتحت مثل مايقولون من السواد تصير ورديه يعني خف الاسمرار بشكل حيل بسيط ماتغير شي
انا بيضه وايد فمادري اذا البني بالنسبه لي اسمرار ولا نفس السواد الي يقولون عنه
طريقة الاستعمال احطه مره وحده بليل والصبح اغسله بغسول كير فري و اول اسبع كنت ارطب المنطقه بيبانثين بس كان وايد يدبق وثقيل فستبدلته بزيت اللوز المر ولمه انام اكون فاصخه السليب لانه يقولون لازم تتهوا
بس الي حسيته فتح الجزء الداخلي الصراحه ياب نتيجه معاي الي يسمونه البظر والشفرات صار لونه فاتح وراح الاسمرار بس المنطقه الي حوولينه الشفرات الكبار للحين ماتغير شي
ابي تجاربكم بنات بس ابي اشياء طبيه سوالف خلطات ما اصدقهم و لا احب اسويهم ابي جذي كريمات التقشير بس بليز ابي تجاربكم مو سامعين
