رجاءا يازعماء ... طلبتكم ... تفاعلوا معي شوووي ... (دعوة للنقاش)
الهلال - الزعيم - نادي الهلال السعودي - النادي الملكي - نادي القرن
بسم الله الرحمن الرحيم
والله لي فترة ماأكتب مواضيع لإنشغالي في الفترة الأخيرة
لكن لأهمية الموضوع حبيت أبدي وجهة نظري وتشاركوني الرأي يازعماء
لن أبااالغ في المقدمه وسأدخل في الموضوع سريعا ...
تدرون أمامنا مباراة مهمة جدا مع الإتحاد ومن أهم مباريات الموسم
لأننا لووو فزنا بإذن الله ستعطينا دافع معنوي كبير جدا للدوري وللصدارهـ
أما لاسمح الله خسرنا أتوقع إنها ستؤثر أثر سلبي علينا
في هذا الوقت خصوصا ساند اللاعبين وساند المدرب وساند الإدارة
لاتشتتون المدرب بموضوع الإقاله والكلام الفاضي
أدعموووهـ وستشاهدون الروح إن شاء الله
صراحه أستغربت في المؤتمر الصحفي مع توماس دول أمس بعد مباراة الإتفاق
كل الأسئلة للمدرب عن خبر الإقاله ومارأيك في الإقاله؟؟؟؟؟؟؟
يبغون يشتتوا تفكير المدرب قبل مباراة الإتحاد للأسف
ياشباب والله كل هذا مووو في صالحنا أبدا
طيب أعتبروني أنا رئيس النادي وأنتم الجمهووور
كيف أقيل مدربي في هذا الوقت الحساس وأجيب مدرب لايعرف فريقي في نصف الموسم؟؟؟
كم يبغاله حتى يتأقلم مع الفريق؟
كم يبغاله حتى يعرف اللاعبين؟
نتكلم بهدوء وعقلانيه ياشبااااااااااااااااااااا ااااب
أنسوا جريتس لأنه مرتبط بعقد مع المنتخب المغربي وماراح يفرطوا فيه أبدا
وأمامه كأس أفريقيا وتصفيات كأس العالم على ماأعتقد
طيب عرفنا إن جيرتس صعبه يجينا مرررهـ ثاني
وغير كذا الرجال أعترف لأحد المقربين لي أنه لايستطيع التأقلم في السعودية أبدااا
من عادات وتقاليد وأجواء وغيرها
عموووما إنسوا جيرتس في الفترة الحاليه
رغم أنه بصراحه أنسب مدرب في هذا الوقت لأنه يعرف فريقنا جيدا
طيب إنتهينا من جيرتس
كيف نجيب مدرب جديد على فريقنا وجديد على الدوري السعودي؟؟؟
أتوقع كوزمين هو المدرب المناسب في هذا الوقت تحديدا لأنه يعرف كل صغيرة وكبيرة عن زعيمنا
ياهذا المدرب أووو يستمر توماس دول لنهاية الموسم
وعلى فكرة ترى أغلب المدربين اللي يجون بعد بداية الموسم أو في نصف الموسم ماينجحون مع أنديتهم
أقلها توماس دول يعرف اللاعبين من أيام المعسكر الأوروبي
أجل وين المشكلة؟؟؟
صدقوني وأبصم على المليووون الروح أهم من جيرتس ودول وكوزمين
مثاااال
عيسى المحياني هذا اللاعب المظلوم إعلاميا من أفضل اللاعبين اللي يلعبون بروح ولشعار النادي
أيضااا محمد الشلهوب
وماااجد المرشدي
وأسامة هوساوي
و
و
و
أتوقع إنه من المفروض الأغلبيه يكونوا يلعبون بروح ولشعار النادي
طيب نجي للأهم
الأجانب
إيمانا --- متعالي ويلعب للمادهـ ولإسمه فقط
العربي --- لاعب بصراحه غير مقتنع فيييه أبدااا وثقيل ومزاجي أحيانا
الكوري --- على قولهم لايهش ولاينش ولايمتلك روح اللاعب المقاتل
هرماش --- أتوقع أنه أفضل السيئيين
نرجع للعام الماضي
رادوي --- شهادتي فيييه مجروحه في الروح والإخلاص للشعار
ويلهامسون --- مقاااتل ويمتلك روح للفريق وأتمنى يعود للفريق في أسرع وقت
لي يونج بيو --- من أفضل المحترفين نظاما وحب الشعار والروووح
بإختصار
إستمرار المدرب في هذا الوقت الحساس أووو عودهـ الداهيه كوزمين أولاريو
عودهـ ويلهامسون في أقرب وقت والإستغناء عن إيمانا
الإستغناء عن العربي وبيعه لأحد انديه أوروبا
التعاقد مع مدافع صلب بديل لأسامة هوساوي في حالة رحيله لاسمح الله
رجاءا يازعماء أدعموا المدرب في هذا الوقت الحساس
ولاتجيبوا طاري الإقاله أبدااا لأننا في هالفترة محتاجين نقف مع اللاعبين والمدرب
وفي نقطة توي تذكرتها
ترى سامي الجابر جلوسه في الإحتياط وخبرته تعطي اللاعبين دافع معنوي كبير جدااااااااااااااا
وهذا ماإفتقدناهـ
أتمنى عيسى المحياني أساسي لنهاية الموسم :smilie47:
كلنا يدا بيدا مع إستقرار الفريق ...
ومعليش يازعماء بس لازم نتحمل المدرب لأننا وأعيدها للمرهـ المليون في وقت حساااس
وأسف على الإطاله ...
