أخسوا خسيتوا أهبوا هبيتوا :)

السلام عليكم ورحمة الله وبركاته

أبك إأنا لقيت هالقصه وحزنت حزن قوي قوي خالص قلت أبك مير أنقلها لكم عشان يعم الحزن <<واحد نذل ههههههه



القصه كلها عبر وفوايد وهي عن العاقيين والظالمين لأبويهم والعياذ بالله:-

وهذي قصة رجل وله ثلاث عيال ماتت امهم وهم صغار وعيا الاب يتزوج

ثانيه خائف على عياله من المره الثانيه تعذبهم وتشقيهم و المهم

الرجال رباهم وتعب عليهم وكان يطلع من الصبح ولا يرجع الى بالليل

ونوبات يتاخر كله هذا على شأن يوفر لهم الاكل وكان كل ماطلع

خلاهم عند جاره يلعبون مع عياله وواذا جاء من المقناص سوالهم

العشى وعشاهم وكان ما يتعشى الا اذا شبعوا عياله وياكل من بقايا

اكلهم.

ودار الزمن وكبروا العيال وزوجهم ابوهم وشاب الاب الطيب ولا عاد يقدر

على القومه والطلعه الا بالمساعده المهم قامن حريم عياله يتشكن منه

لا زواجهن الين اجتمعوا العيال وكل يقول للثاني خله عندك حتى اجتمعوا

على راي واحد انهم يطردونه الاب مالقا غير جاره وعياله الاولين الطيبين

ورعوه وكرموه وطيبوا مكانه كأنهم عياله وقال الاب القصيده المذكوره

ودعوته المشهوره فيها المهم عياله ماتوا كلهم ولا واحد منهم خلف له

ولدوانقطع ذكرهم ونسلهم فحسبي الله عليهم ناكرين الجميل

والمعروف والعشره وعاقين الوالدين .

وهذه القصيده:-


قال الذي يقرا بليا مكاتيب
ياللي تقرون العمى من عناكم
يا عيالي اللي تشرفون المراقيب
تريضوا لي واقصروا من خطاكم
خذو كلام الصدق مابه تكاذيب
مثل السند مضموم للي وراكم
يا عيال لا صرتوا ضيوف ومعازيب
ترى الكلام الزين ملحة قراكم
وتروا السبابه من كبار العذاريب
وهرج البلايس ما يطول لحاكم
المذهب الطيب فهو مذهب الطيب
والمذهب الخايب يبور نساكم
يا عيال ما سرحتكم باللواهيب
يا عيال ما عمر المعزب ولاكم
ياما توليت القبايل تقل ذيب
من خوف لا ينقص عليكم عشاكم
وياما شريت السمن من عرض ما جيب
يفزقلبي يوم يبكي حداكم
وياما قطعت من الفيافي العباعيب
ندور من صيد البراري غذاكم
يا عيال دوكم لحيتي كلها شيب
هذا زمان قعودنا في ذراكم
قمت اتوكا عوج المصاليب
قصرت خطانا يوم طالت خطاكم
عطوني القرضه عليكم مطاليب
عطوني القرضة جزى من جزاكم
لابد يوم عاوي دوني الذيب
بالقبر ما افرق طيبكم من رداكم
ماني بفاضحكم بوسط الاجانيب
با عمالكم يدرون كل اقرباكم
لو كان تدرون الردي والمعايي
بصرتوا مع المخلوق مثل خوياكم
خوالكم بالطيب تروي المغاليب
ولو تتبعون الجد محد شناكم
وش علمكم يا تاركين المواجيب
حسبي عليكم هالردى وين جاكم
يالله عسى اعماركم شمسها تغيب
يعتم قمركم ثم تظلم سماكم
يا علكم في حاميات اللواهيب
ياللي على الوالد خبيث لغاكم
شفت الجفا والحيف والغلب والريب
بضلوعكم لا بيض الله قراكم
اطلب عسى نساكم ما تحمل ولا تجيب
ولا احد من الوغدان يمشي وراكم
اخسوا خسيتوا يا كبار اللغابيب
اهبوا هبيتوا يقطع الله نماكم



نريد قسم حق قصص وحكي من التراث الشعبي يابو الدحمي حفظك الله

بارك الله فيك

لك مني أجمل تحية

تقبل مرورى

كاسب العز

اقتباس:

---

المشاركة الأصلية كتبت بواسطة كاسب العز

بارك الله فيك

لك مني أجمل تحية

تقبل مرورى

كاسب العز

---

وفيك بارك ياكاسب العز

حياك الله

يااااااااااااااااااه كم قسوا عليه


رائع ماجلبت اخي


واؤيد وجهة نظرك نريد قسم للتراث العربي الاصيل



تقديري

تسلم والله يعطيك الف عافيه

彡彡رغم أنفه , رغم أنفه , رغم أنفه 彡彡

:

:

قيل: من يا رسول الله؟ قال:

{ من أدرك والديه عند الكبر أحدهما أو كليهما ثم لم يدخل الجنة }

صحيح مسلم

حسبي الله عليهم
وش هالعقوووق
يعطيك العآآآآآفيه قيس على هالقصه والأبيآآآت

صح لسان الشاعر جحيش بن مهاوش ...
ويسلم بنانك اخوي قيس ...
ويعطيك العافيه على تميزك في إنتقاء القصه والقصيده ...

تحيتي ...

اختيار رااااائع
قيس تسلم عالنقل
والقسم اللي طلبته موجود
وسمح لي انقلها للمكان المناسب
ودمت بألف خير

الله يعطيك الف عافيه

ما أكثر قصص العقوق في زمنا دا

حسبي الله ونعم الوكيل

يسلمو قيس عالاختيار الرائع

سلمت هذه الأنامل

الطيبة للخير

وللعطاء المثمر دوما

ربي يعطيكـ ألف عاآآآآفية طرح راآآآآآآئع

شكـرا لكـ

يعطيكـ الفـ عافيهـ


تحيتيـ لكـ

وديـ ورديـ

( :

قيس
أبدعت في الإختياار
سلمت ودام إبدااعك

ربي لا تحرمني من أن ألبس وااالدي تاااااااج الوقاار<<دعواتكم إخواني ولكم بالمثل

الله يعطيك العافية
بانتظار جديدك