حمامي المغربي الأسبوعي بالخطوات و التفاصيل
بحط لكم طريقتي في الحمام المغربي الي ما أستغنى عنه لازم أسويه كل أسبوع لأن وايد بنات يسألوني بالواتساب عن طريقته و طريقة استعمال الصابون المغربي
قبل لا أبتدي بغسل شعري الأول عشان أستغل وقت التفريك في ماسك أو حمام زيت للشعر يستفيد منه بس ضروري ما ينزل عالجسم عشان ما يزيت الجسم و يمنع طلوع الجلد الميت
1- أشغل جهاز الساونا واحط عليها أعشابي المفضلة لافندر وورد لأني ما أحب الخيمة بس لي بتحط أعشاب تفتح الجهاز من فوق لأنها بتفور و الهوز راح يطلع ماي بدل البخار أرجوكم تنتبهو
إلي ما عندها الجهاز تفتح الماي الحار ليما ينترس الحمام بخار في بنات يستعملون المكواة البخارية
http://i622.photobucket.com/albums/t...9470664028.jpg
2 - أحط صابون مغربي بروحه أو مع الخلطات خلطة الداد بالأعشاب
أو مع الحنا العادية مالت الشعر بس يغضل تكون قديمة عشان ما تصبغ فايدته تشد الجلد و توحد اللون
ممكن إضافة نتفة من الشب تخلي الجلد الميت يطلع أكثر
أقعد حوالي 10 دقايق ليما يتهيأ الجلد و بعدها أغسل بماي بس
خلال هالوقت ممكن أسوي ماسك لويهي أو أفرك الأقدام
http://i622.photobucket.com/albums/t...oads/IMG__.jpg
3 - آخذ ليفة مغربية منقوعة مسبقا بماي حار و أفرك بطريقة دائرية أو تحت فوق مع ضغط خفيف عشان أطلع الجلد الميت و أركز عالأماكن الغامقة
4 - أحط خلطتي الصابونية أو ماسك الطين المغربي أو صابونتي الاعتيادية
طريقة استعمال الطين
أحط عليه ماي حار أول ما أدش الحمام ليما يذوب و أحطه عالوجه أو الجسم وحتى الشعر لو الشعر الذهني لي شعرها جاف وتبي تستفيد منه ممكن ينشفه حطي عليه أي زيت صالح للشعر
http://i622.photobucket.com/albums/t...9380846820.jpg
بعد ما أخلص لازم أدهن الجسم بزيت حونسون أو أركان أو لوز أو اي لوشن المهم شي بدون عطر عشان ما يسمر
حمام الهنا لي ولكم حبيباتي و لي عندها أي استفسار تتفضل